Connect with us

Hi, what are you looking for?

LuduNwayOo

News

စစ်ကောင်စီဒုဗိုလ်မှူးကြီးသေဆုံးခဲ့သည့် မန္တလေးမြို့တိုက်ပွဲဖြစ်စဥ် MDY-PDF ရှင်းလင်းထုတ်ပြန်

ဇွန်လ ၂၂ရက်က မန္တလေးမြို့၌ ဖြစ်ခဲ့သည့် ထိတွေ့တိုက်ခိုက်မှုတွင် မဟာမိတ်အဖွဲ့မှ ရဲဘော် ၂ဦး၊ MDY-PDFမှ ၂ဦး ကျဆုံးခဲ့ပြီး ၆ဦး ဖမ်းဆီးခံခဲ့ရကြောင်း၊ အကြမ်းဖက်စစ်အုပ်စုဘက်မှလည်း ဒုဗိုလ်မှူးကြီးအဆင့်အပါဝင် (၉)ဦးခန့်သေဆုံးခဲ့ကြောင်း ထုတ်ပြန်သည်။

ဒုဗိုလ်မှူးကြီး တစ်ဦးအပါအဝင် စစ်ကောင်စီတပ်ဖွဲ့ဝင် ၉ဦးခန့် သေဆုံးခဲ့သည့် မန္တလေးမြို့ တိုက်ပွဲဖြစ်စဉ်နှင့်ပတ်သက်ပြီး မန္တလေးပြည်သူ့ကာကွယ်ရေးတပ်ဖွဲ့(MDY-PDF)က ယနေ့ ရှင်းလင်းချက်ထုတ်ပြန် သည်။

တိုက်ပွဲဖြစ်စဉ်တွင် ပြည်သူ့ကာကွယ်ရေးတပ်ဖွဲ့ဝင်များအနေဖြင့် အတွင်းအပြင် ပြန်ညှပ် တိုက်ခိုက်ခဲ့သော်လည်း လက်နက်အင်အားမမျှခြင်း၊ အကြမ်းဖက်စစ်အုပ်စုမှလက်နက်ကြီးများသုံး၍ ပစ်ခတ်ခြင်း၊ ပြည်သူအများထိခိုက်နိုင်ခြင်း စသည်တို့ကြောင့် ပစ်ခတ်မှုဖြစ်ပွားရာ Apex ဘော်ဒါအတွင်းရှိ MPDF ရဲဘော်များမှလက်နက်ချ အညံ့ခံခဲ့ကြောင်း MDY-PDFက ဆိုသည်။

ကျဆုံးခဲ့သူများအနက် ရဲဘော်အချို့မှာ လက်နက်ချပြီးနောက်ပိုင်းတွင်း ဦးခေါင်းသို့ အနီးကပ် ပစ်သတ်ခံရခြင်းဖြစ်ကြောင်း၊ အကြမ်းဖက် စစ်အုပ်စုမှ ဖမ်းဆီးထားသူများနှင့်ပတ်သက်၍ တိကျသည့် သတင်း ဆက်မထုတ်ပြန်ခြင်းကြောင့် ရဲဘော်များအားလုံး သူရဲကောင်းအာဇာနည်အဖြစ် ကျဆုံးသွားပြီဟု မှတ်ယူထားကြောင်း ထုတ်ပြန်ခဲ့သည်။

တိုက်ပွဲဖြစ်ပွားချိန်တွင် ပါကျဲဒိုးကားပေါ်၌ ကျဆုံးခဲ့သော ပြည်သူများမှာ အဖွဲ့နှင့် လုံးဝ ပတ်သတ်မှုမရှိကြောင်း၊ စစ်အုပ်စုမှ လမ်းသွားလမ်းလာ ပြည်သူများအား အကြမ်းဖက်ဖမ်းဆီး သတ်ဖြတ်ခဲ့ခြင်းဖြစ်ကြောင်း MDY-PDFက ဆိုသည်။

Public Service Announcement

Public Service Announcement

အဆိုပါ ပါကျဲဒိုးယာဉ်ပေါ်တွင် လိုက်ပါလာသူများမှာ တအာင်းလူမျိုး ၃ဦး၊ တရုတ်လူမျိုးတစ်ဦးဖြစ်ပြီး PDFများမဟုတ်ကြောင်း သေဆုံးသူများ၏ မိသားစုနှင့်နီးစပ်သူ တစ်ဦးက ပြောသည်။

စစ်ကောင်စီကမူ အဆိုပါ မော်တော်ကားပေါ်မှ ၄ဦးသည် လက်နက်ကိုင်များဖြစ်ကြောင်း လိမ်လည်ထုတ်ပြန်ထားသည်။

မန္တလေးမြို့ တိုက်ပွဲ နောက်ပိုင်းတွင် MDY-PDF အဖွဲ့မှ အခြားစခန်းခွဲများအား စွန့်လွှတ်လိုက်ရသည်များ ရှိသကဲ့သို့ မဟာမိတ်အဖွဲ့မှ ရဲဘော်တချို့လည်း ဖမ်းဆီးအရေးယူခံရကြောင်း ထုတ်ပြန်ချက်၌ ပါရှိသည်။

ဆက်စပ်သတင်းများ

သတင်း

စစ်ကောင်စီတပ်စခန်းမှ သိမ်းရသည့် လက်နက်ခဲယမ်းများကို တပ်ရင်းမှူးက ပြသရာ လက်နက်ကြီးလက်နက်ငယ်မျိုးစုံ အလက် ၃၀ကျော်နှင့် ခဲယမ်း၊ ကျည်များစွာ နှင့် စစ်အသုံးအဆောင်ပစ္စည်းများ ကို တွေ့ရသည်။

သတင်း

ဆယ်ဇင်းဒေသခံတစ်ဦးကလည်း “လေကြောင်းကတော့ မနေ့က တောက်လျှောက် လာတယ်။ ညကလာတော့ လာတယ် ဝဲတော့ ဝဲတယ်"ဟုပြောသည်။

သတင်း

ဒုချုပ်စိုးဝင်းဒရုန်းနဲ့တိုက်ခိုက်ခံရတယ်ဆိုတာကို စစ်ကောင်စီရဲ့ပြောရေးဆိုခွင့်ရှိသူက ငြင်းဆိုထားပါတယ်။ စစ်​ကောင်စီ​ပြော​ရေးဆိုခွင့်ရှိသူက စစ်​ကောင်စီအတွက် သတင်းဆိုး​တွေဆိုရင် အမြဲ ငြင်းဆို​လေ့ရှိပါတယ် ။

သတင်း

ယ‌နေ့ညနေ ၃နာရီခန့်အထိ ရရှိထားသောသတင်းများအရ မိုးမောက်မြို့ပေါ်တွင် စစ်ကောင်စီလက်နက်ကြီးပစ်ခတ်မှုကြောင့် ကလေးတဦးအပါအဝင် သေဆုံးသူသုံးဦးရှိပြီး တစ်ဦးဒဏ်ရာရာရှိခဲ့ကြောင်း သိရသည်။