အာဏာသိမ်းစစ်ကောင်စီရဲ့ လက်အောက်ကမကွေးတိုင်းစစ်ကောင်စီရုံးရဲ့ လေအေးပေးစက်တပ်အစည်းအဝေးခန်းထဲမှာ ဇူလိုင် ၅ ရက်က လူပေါင်းများစွာနီးကပ်စွာထိုင်၊ Mask တွေချွတ်ပြီးတော့ နာရီနဲ့ချီ အကြိတ်အနယ် ဆွေးနွေးပြီးတော့ ကမ္ဘာ့ကပ်ရောဂါ ကိုရိုနာဗိုင်းရပ်စ် ကာကွယ်ရေး အတွက် တိုင်ပင်ဆွေးနွေးခဲ့ကြပါတယ်။
အာဏာသိမ်းစစ်ကောင်စီဟာ ကမ္ဘာ့ကပ်ရောဂါအပါအဝင် ဘယ်အရာကိုမှ စီမံခန့်ခွဲနိုင်စွမ်းမရှိဘူးဆိုတာ ဒီအစည်းအဝေးလုပ်ကိုင်နေပုံက သာဓကတစ်ခုဖြစ်ပါတယ်။
ဘာကြောင့်လည်းဆိုရင် Covid-19 မကူးစက်အောင် ဘယ်လို လုပ်ရမယ်မှန်းတောင် မသိ့တဲ့သူတွေက ကိုဗစ် -၁၉ ကာကွယ်ရေးအတွက် အစည်းအဝေးလုပ်နေတာ အံသြစရာလို့ မြို့ခံတစ်ဦးကပြောပါတယ်။
နိုင်ငံတစ်ဝန်း ကိုဗစ် ကူးစက်ခံရသူ တိုးနေချိန်မှာAir Con တပ်ထားတဲ့အခန်းထဲ လူတွေ အများကြီး စုဝေးပြီးတော့ ၊တချို့က မာစ်တောင် တပ်မထားဘဲ မကွေးတိုင်းအတွင်း ကိုရိုနာဗိုင်းရပ်စ် ထိန်းချုပ်ရေးနဲ့အရေးပေါ်တုံ့ပြန်ကယ်ဆယ်ရေး အရေးပေါ်ကော်မတီ က ဇူလိုင် ၅ ရက် နံနက်မှာဆွေးနွေးခဲ့တာဖြစ်ပါတယ်။
ပြည်သူ့အစိုးရလက်ထက်မှာ ကိုရိုနာဗိုင်းရပ်စ် ပထမလှိုင်းနဲ့ ဒုတိယလှိုင်းကို နိုင်ငံဆင်းရဲပေမယ့် အစိုးရရဲ့ဦးဆောင်မှု နဲ့ ကျန်းမာရေးပညာရှင်တွေ ၊စေတနာဝန်ထမ်းတွေ ၊ပြည်သူတွေ ပူးပေါင်းပြီး ကြိုးပမ်းခဲ့ကြပါတယ်။
Public Service Announcement
ဖေဖော်ဝါရီ ၁ ရက်မှာ စစ်ခေါင်ဆောင်အချို့ရဲ့အကျိုးစီးပွားအတွက် အာဏာသိမ်းဘိုက်ပြီးတဲ့နောက်မှာတော့ ကျန်းမာရေးစနစ်ဟာလုံးလုံး ပျက်စီးသွားသလို ၊အာဏာသိမ်းအစိုးရရဲ့ တလွဲလုပ်ကိုင်ဆောင်ရွက်မှုတွေကြောင့် ကိုဗစ်တတိယလှိုင်း ဒဏ်ကို ပြင်းပြင်းထန်ထန် ခံစားနေကြရတာဖြစ်ပါတယ် ။
