Connect with us

Hi, what are you looking for?

LuduNwayOo

News

ကပ်ရောဂါရင်ဆိုင်ရင်း တော်လှန်ရေးမျက်ခြေမပြတ်အောင်ဆောင်ရွက်ကြရန် ပြည်ထောင်စုဝန်ကြီးချုပ်ပြော

လက်ရှိ ကိုဗစ်ရောဂါ ပြန့်ပွားနေခြင်းနှင့်ပတ်သက်ပြီး အကြမ်းဖက်စစ်ကောင်စီ၏ စီမံခန့်ခွဲနေသည့် ပုံစံသည် ပြည်သူများအပေါ် ရည်ရွယ်ချက်ရှိရှိ လူသတ်မှု ကျူးလွန်နေရာ ရောက်ကြောင်း ပြည်ထောင်စုဝန်ကြီး ချုပ်က ပြောသည်။

ကိုဗစ်ကပ်ရောဂါဆိုးကို ရင်ဆိုင်ရင်း တော်လှန်ရေးကို မျက်ခြေမပြတ်အောင်ဆောင်ရွက်ရန် အမျိုးသားညီညွတ်ရေးအစိုးရ(NUG) ပြည်ထောင်စုဝန်ကြီးချုပ် မန်းဝင်းခိုင်သန်းက ပြောကြားသည်။

ယာယီသမ္မတဒူဝါလရှီးလ ဦးဆောင်သည့်အမျိုးသားညီညွတ်ရေးအစိုးရ ပုံမှန်အစည်းအဝေးကို ယနေ့ ကျင်းပခဲ့ရာ ပြည်ထောင်စုဝန်ကြီးချုပ်က အစည်းအဝေးတွင် အထက်ပါအတိုင်း ပြောကြားခဲ့သည်။

လက်ရှိ ကိုဗစ်ရောဂါ ပြန့်ပွားနေခြင်းနှင့်ပတ်သက်ပြီး အကြမ်းဖက်စစ်ကောင်စီ၏ စီမံခန့်ခွဲနေသည့် ပုံစံသည် ပြည်သူများအပေါ် ရည်ရွယ်ချက်ရှိရှိ လူသတ်မှု ကျူးလွန်နေရာ ရောက်ကြောင်း ပြည်ထောင်စုဝန်ကြီး ချုပ်က ပြောသည်။

အမျိုးသားညီညွတ်ရေးအစိုးရအနေဖြင့် ကပ်ရောဂါဆိုးကြီးကို ရင်ဆိုင်ရင်း၊ တစ်ဘက်မှလည်း တော်လှန်ရေးကို မျက်ခြေမပြတ်လှုပ်ရှားဆောင်ရွက်နေရန်လိုအပ်ကြောင်း ပြည်ထောင်စုဝန်ကြီးချုပ်က ပြောကြားခဲ့သည်ဟု NUG က ထုတ်ပြန်သည်။

မြန်မာနိုင်ငံတွင် ကြုံတွေ့နေရသော အခက်အခဲအားလုံး ၏ တရားခံသည် အကြမ်းဖက်စစ်အုပ်စုသာဖြစ် ၎င်းက ဆက်လက်ပြောကြားသည်။“သူတို့ကို အမြစ်ပြတ်ချေမှုန်း နိုင်မှသာ မြန်မာနိုင်ငံရဲ့ ဘေးဒုက္ခအပေါင်းချုပ်ငြိမ်းမယ်” ဆိုသည်ကို အမြဲနှလုံးသွင်းရန် ပြည်ထောင်စုဝန်ကြီးချုပ် မန်းဝင်းခိုင်သန်းက ပြောကြားခဲ့သည်။

ယခုကဲ့သို့ ကိုဗစ်ရောဂါပြန့်ပွားနေချိန် စစ်ကောင်စီက ဆေးပစ္စည်းတွေကို ရည်ရွယ်ချက်ရှိရှိ ထိန်းချုပ်ပြီး၊ ပုဂ္ဂ္ဂ္ဂလိက အောက်ဆီဂျင်စက်ရုံများကို စစ်တပ်အမိန့်ဖြင့် လိုက်ပိတ်နေခြင်းအပြင် ရောဂါဖြစ်ပွားနေသည့် ပြည်သူများအတွက် ကျန်းမာရေးအဆောက်အအုံများ စနစ်တကျ စီမံထားခြင်း များမရှိကြောင်း ဝန်ကြီးချုပ်က ပြောကြားသည်။

“နေ့စဉ် နေ့တိုင်း ပြည်သူတွေ တစ်ယောက်ပြီးတစ်ယောက်ကို လက်လွှတ်ဆုံးရှုံးနေရတာ တွေအတွက် အလွန် စိတ်မချမ်းမသာဖြစ်ရတယ်” ဟု ၎င်းက ဆိုသည်။ ဖေဖေါ်ဝါရီလကစပြီး ပြည်သူများသည် အကြမ်းဖက်စစ်ကောင်စီ နှိပ်စက်မှုကြောင့် ဒုက္ခမျိုးစုံ ရောက်ခဲ့ရပြီး ယခု ကပ်ရောဂါဘေးကိုပါ အကာအကွယ်မဲ့ခံစားနေရကြောင်း ပြည်ထောင်စုဝန်ကြီးချုပ်က ပြောသည်။

မြန်မာနိုင်ငံအနေဖြင့် ပထမလှိုင်း ၊ဒုတိယလှိုင်းများကို ဖြတ်ကျော်ခဲ့စဉ်က ခေါင်းဆောင်ကောင်း၏ လမ်းညွှန်မှု ၊အစိုးရဝန်ကြီးဌာနများ အားလုံး၏ ပူးပေါင်းဆောင်ရွက်မှု၊ အဓိကအားဖြင့် ပြည်သူတစ်ရပ်လုံး၏ အရပ်သားအစိုးရအပေါ် ယုံယုံကြည်ကြည်ပူးပေါင်းဆောင်ရွက်မှုများကြောင့် ရောဂါအန္တရယ်ကိုကျော်လွှားနိုင်ခဲ့ကြောင်း ၎င်း ကဆိုသည်။

စီးပွားရေးရပ်နားထားရမှုများကြောင့် ကြုံတွေ့ရသည့် အခက်အခဲများကိုလည်း စုပေါင်းအင်အားဖြင့် ကျော်လွှားနိုင်ခဲ့ကြကြောင်း၊ အကြမ်းဖက်စစ်ကောင်စီသည် ပြည်သူများကို COVID-19 ကပ်ရောဂါဆိုးမှ ကာကွယ်ပေးရန် မရှိ သည့်အပြင် ပိတ်ပင်တားဆီးမှုများကိုပါ လုပ်ကိုင်နေခြင်းက ၎င်းတို့၏ သဘောထားကို ရှင်းလင်းစွာ သိနိုင်ကြောင်း ပြည်ထောင်စုဝန်ကြီးချုပ်က ပြောသည်။

အမျိုးသားညီညွတ်ရေးအစိုးရအနေဖြင့် ပြည်သူများကို တတ်နိုင်သမျှ အစွမ်းကုန်အကူအညီပေးနိုင်မည့် အစီအစဉ်များကို အမြန်ချမှတ်ရန်လိုကြောင်း ပြည်ထောင်စုဝန်ကြီးချုပ်က ပြောကြားခဲ့သည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

ပြည်သူ့ရင်ခွင်၊ ပြည်သူ့ပန်းတိုင်၊ ပြည်သူ့သားကောင်းအဖွဲ့၊ People’s Soldiers Defense Force နဲ့ Breaking Brain Washed တို့က ယနေ့ (အောက်တိုဘာ ၇ရက်) ပူးပေါင်းထုတ်ပြန်ခဲ့ခြင်းဖြစ်သည်။

သတင်း

MSDF-S ရေးမြို့နယ်အတွင်းလှုပ်ရှားနေသည့် တော်လှန်ရေးတပ်ဖြစ်ကာ စစ်ကောင်စီတပ်နှင့် လက်ပါးစေများကို တိုက်ခိုက်လျက်ရှိသည်။

သတင်း

အဖွဲ့တွင်ပါဝင်သည့် တော်လှန်ရေးတပ်များအနေဖြင့် သတ်မှတ်ထားသည့် စည်းကမ်းအတိုင်း လိုက်နာရမည်ဖြစ်ပြီး မလိုက်နာပါကပညာပေးခြင်း၊ အရေးယူခြင်း၊ အဖွဲ့မှထုတ်ပယ်ခြင်းများ အဆင့်လိုက် ပြုလုပ်သွားမည်ဟု ဆိုသည်။

သတင်း

မှတ်ပုံတင်ခွင့်တောင်းခံထားသော အဖွဲ့အစည်းများအနက် စည်းမျဉ်းစည်းကမ်းများအတိုင်း လိုက်နာမည်ဖြစ်ကြောင်း ကတိကဝတ်ပြုသည့် အဖွဲ့အစည်း(၂၅)ဖွဲ့အား အသိအမှတ်ပြုမှတ်ပုံတင်ကဒ်ပြား ထုတ်ဝေးပေးခဲ့ပြီး အဖွဲ့အစည်းခေါင်းဆောင်များအားလုံးမှ တပ်ပေါင်းစုအသွင်ဖြင့် ဘုံရန်သူအား စုပေါင်းတော်လှန်သွားရန် တညီတညွတ်တည်း ဆုံးဖြတ်ခဲ့သည်။