မြန်မာနိုင်ငံမှာ ကိုဗစ်-၁၉ မထိန်းသိမ်းနိုင်အောင် ဖြစ်ပွားနေတာကြောင့် နိုင်ငံတကာအသိုင်းအဝိုင်းက ကောင်းမွန်စနစ်ကျသောဝင်ရောက်စွက်ဖက်မှုကို အမြန်ဆုံးဆောင်ရွက်ပေးဖို့ အမျိုးသားညီညွတ်ရေးအစိုးရ(NUG) က ဒီနေ့တောင်းဆိုလိုက်ပါတယ်။
အမျိုးသားညီညွတ်ရေးအစိုးရဟာ ဇူလိုင် ၁၈ ရက်စွဲနဲ့ ကုလသမဂ္ဂအထွေထွေအတွင်းရေးမှူးချုပ်၊ နိုင်ငံတကာအသိုင်းအဝိုင်းများ၊ နိုင်ငံတကာအဖွဲ့အစည်းများ၊ အမျိုးသားအစိုးရ များနဲ့ စေတနာသဒ္ဒါတရားထက် သန်သောလူပုဂ္ဂိုလ်များထံ လိပ်မူပြီး မြန်မာနိုင်ငံမှာ ကိုဗစ် ၁၉ ဖြစ်ပွားမှုနှုန်း အလွန်အမင်းတိုးပွားလာချိန်မှာ ပြည်သူလူထုအတွက် လူသားချင်း စာနာမှုဆိုင်ရာအကူအညီများပေးနိုင်ရေး အရေးပေါ်မေတ္တာရပ်ခံစာပေးပို့တောင်းဆို တာဖြစ်ပါတယ်။
မြန်မာပြည်သူများဟာ စစ်အာဏာရှင်ရဲ့ မတရားအာဏာသိမ်းယူခြင်းကို တွန်းလှန်နေရသလို ကိုဗစ်-၁၉ တတိယလှိုင်းကို အလူးအလဲကာကွယ်နေရတဲ့အလွန်ဆိုးရွားတဲ့ တစ်မျိုးသားလုံးဆိုင်ရာ ကပ်ဘေးကို ကြုံတွေ့နေရတယ်လို့ NUG က ဆိုပါတယ်။
စစ်ကောင်စီဟာ ကျန်းမာရေးစနစ်နဲ့ ကျန်းမာရေးလုပ်သားများအပေါ် ပစ်မှတ်ထားနှိမ် နင်းနေပြီး ကိုဗစ်-၁၉ ကပ်ရောဂါကို စစ်လက်နက်တစ်ခုအဖြစ် ရည်ရွယ်ချက်ရှိရှိ အသုံး ချနေသည်မှာ တဖြည်းဖြည်းပေါ်လွင်လာတယ်လို့ NUG က ထုတ်ပြန်ပါတယ်။
Public Service Announcement
နိုင်ငံတကာက ချက်ချင်းကူညီဆောင်ရွက်ခြင်းမရှိပါက မြန်မာနိုင်ငံဟာ မျိုးကွဲရောဂါသစ်အပါအဝင် ကိုဗစ်-၁၉ ပြန့်ပွားစေတဲ့အဓိကနိုင်ငံဖြစ်လာနိုင်ပြီး မြန်မာ့ပြဿနာဟာ ဒေ သတွင်းနဲ့ တစ်ကမ္ဘာလုံးရဲ့ ကျန်းမာရေးဆိုင်ရာကပ်ရောဂါကို ပြန်လည်ဖြစ်ပွားစေမယ့် နိုင်ငံငယ်တစ်ခုအဖြစ် ရှိနေကြောင့် ပြည်တွင်းရေးတစ်ခုတည်းမဟုတ်တော့ကြောင်း NUG က ဆိုပါတယ်။
