Connect with us

Hi, what are you looking for?

LuduNwayOo

News

KNUနယ်မြေ၌တစ်ပတ်အတွင်း တိုက်ပွဲငယ်၃၀ခန့်ဖြစ်၊ စစ်ကောင်စီ ၂၆ဦးသေဟု ထုတ်ပြန်

င် ၁၅ရက်မှ ၂၂ရက်နေ့အထိ တိုက်ပွဲငယ် ၂၉ကြိမ်ရှိခဲ့ကြောင်း၊ စစ်ကောင်စီဘက်မှ တပ်ရင်းမှူးတစ်ဦး အပါ အဝင် ဒဏ်ရာရသူ ၃၅ဦးရှိခဲ့ကြောင်း ထုတ်ပြန်ချက်၌ ပါရှိသည်။

ကရင်အမျိုးသားအစည်းအရုံး(KNU) တပ်မဟာ (၅)နယ်မြေ ကရင်ပြည်နယ် ဖာပွန်(မူတြော်)ခရိုင် ၌ တစ်ပတ်အတွင်း အာဏာသိမ်းစစ်ကောင်စီနှင့် တိုက်ပွဲငယ် ၂၉ကြိမ်ဖြစ်ပွားခဲ့ပြီး စစ်ကောင်စီတပ်ဖွဲ့ဝင် ၂၆ဦးသေဆုံးကြောင်း တပ်မဟာ(၅)က ယနေ့ထုတ်ပြန်သည်။

ဇူလိုင် ၁၅ရက်မှ ၂၂ရက်နေ့အထိ တိုက်ပွဲငယ် ၂၉ကြိမ်ရှိခဲ့ကြောင်း၊ စစ်ကောင်စီဘက်မှ တပ်ရင်းမှူးတစ်ဦး အပါ အဝင် ဒဏ်ရာရသူ ၃၅ဦးရှိခဲ့ကြောင်း ထုတ်ပြန်ချက်၌ ပါရှိသည်။

ထို့ပြင် စစ်ကောင်စီတပ်ဖွဲ့၏ ကား ၂စီး ပျက်စီးခဲ့သည်ဟု ဖော်ပြထားသည်။

တိုက်ပွဲဖြစ်စဉ်အတွင်း အရပ်သား တစ်ဦး သေဆုံးခဲ့ပြီး စစ်ကောင်စီဘက်မှ လက်နက်ကြီးများ ပစ်ခတ်ခြင်းကြောင့် ကျွဲ ၅ကောင် ကျည်ထိမှန် သေဆုံးခဲ့သည်ဟု ဆိုသည်။

ဖာပွန်မြို့ဝင်တံတားတစ်ခုမိုင်းဖောက်ခွဲခံရ၍ ကျိုးကျ ပျက်စီး ခြင်းနှင့်ပတ်သက်ပြီးစစ်ကောင်စီက ဖာပွန်မြို့နေ လူငယ်အချို့ကို စွပ်စွဲထားကြောင်း၊ ထို့ပြင် ၎င်းလူငယ်များ၏ ဖခင်များကို စစ်ကောင်စီက ဖမ်းဆီးခေါ်ဆောင်ကာ အကြပ်ကိုင်နေကြောင်း KNU တပ်မဟာ (၅)က ထုတ်ပြန်သည်။

အာဏာသိမ်းစစ်ကောင်စီနှင့် ၎င်း၏ လက်အောက်ခံ ကရင်နယ်ခြားစောင့်တပ်ဖွဲ့(BGF)တို့က စစ်ရေးလှုပ်ရှား မှုများ တိုးမြှင့်လုပ်ဆောင်လာ၍ တပ်မဟာ(၅) နယ်မြေတွင် နေ့စဉ်နီးပါးတိုက်ပွဲဖြစ်ပွားနေသည်ဟု တပ်မဟာ (၅)ပြောရေးဆိုခွင့်ရှိသူ ဒုဗိုလ်မှူးကြီးစောကလယ်ဒိုက ပြောကြားထားသည်။

You May Also Like

သတင်း

ထိုသို့ပစ်ခတ်မှုကြောင့် ပုဏ္ဏားကြီးရွာနေ အသက် (၆၀)အရွယ် အမျိုးသားကြီးတစ်ဦး ညာဘက်နားနောက်တည့်တည့်တွင် လက်နက်ကြီးစထိမှန်ခဲ့ပြီး မြေပြင်ကျန်းမာရေးစောင့်ရှောက်သူများက အရေးပေါ်ဆေးကုသမှုပေးနေကြောင်း အထက်ပါအဖွဲ့က ပြောသည်။

သတင်း

ယနေ့(ဖေဖော်ဝါရီ ၄ ရက်) နံနက် ၁နာရီက ဝင်ရောက်စီးနင်းခဲ့သည့် စစ်ကောင်စီစခန်းမှာ စစ်ကိုင်း - မုံရွာလမ်းပေါ်ရှိ ထီးဆောင်းကျေးရွာ၌ အထိုင်ချထားကြောင်း ၎င်းက ဆိုသည်။

မေးမြန်းခန်း

စစ်တပ်အာဏာသိမ်းမှု ၂နှစ်တာ ကာလအတွင်း စစ်ရေး၊ နိုင်ငံရေး အခြေအနေများနှင့်ပတ်သက်ပြီး KNU ပြောရေးဆိုခွင့်ရှိသူ ပဒိုစောတောနီးအား People’s Spring က ဖေဖော်ဝါရီ ၂ရက် တွင် ဆက်သွယ်မေးမြန်းထားသည်များကို ဖော်ပြလိုက်ပါသည်။

သတင်း

စစ်ကောင်စီတပ်ဖွဲ့ဝင် အများအပြား ထိခိုက်ဒဏ်ရာရရှိနိုင်ကြောင်း၊ အဆိုပါစစ်ဆင်ရေးကို ပေါက်မြို့နယ်က ဗိုလ်တစ္ဆေအဖွဲ့၊ ပေါက်ကျေးရွာ ကာကွယ်ရေးအဖွဲ့များ၊ မြိုင်(ပကဖ) ရင်း-၁ တို့ ပူးပေါင်းတိုက်ခိုက်ခဲ့ကြောင်း အသိပေးထားသည်။