Connect with us

Hi, what are you looking for?

LuduNwayOo

News

ရွေးကောက်ပွဲရလဒ်ပယ်ဖျက်မှု စစ်ကောင်စီဆုပ်ကိုင်ထားသည့် ခြေဥကိုပင်ဆန့်ကျင်​နေဟု SNLD ထုတ်ပြန်

၂၀၂၀ ရွေးကောက်ပွဲတွင် မဲစာရင်းမှားယွင်းမှုများ၊ တရား မဲ့ပြုကျင့်မှုများ ရှိနိုင်သည် ဆိုသော်လည်း တစ်နိုင်ငံလုံး အတိုင်းအတာ အရ ပေါ်လာသည့် မဲရလဒ်သည် အများစုသော ပြည်သူလူထု၏ ဆန္ဒအမှန်ကို ကိုယ်စားပြုသည်ဟု လက်ခံယုံကြည်ကြောင်း SNLDက ထုတ်ပြန်သည်။

အာဏာသိမ်းစစ်ကောင်စီက ဖွဲ့စည်းထားသည့် လက်ရှိ ပြည်ထောင်စုရွေးကောက်ပွဲကော်မရှင်က ရွေးကောက်ပွဲရလဒ်ကို ပယ်ဖျက်လိုက်ခြင်းသည် စစ်ကောင်စီ (ကြေညာချက်တွင် နိုင်ငံတော်စီမံအုပ်ချုပ်ရေးကောင်စီဟုဖော်ပြထား)ဆုပ်ကိုင်ထားသည့် ၂၀၀၈ ဖွဲ့စည်းပုံအ ခြေခံဥပဒေပါ ပြန်ဌာန်းချက်များ၊ ရွေးကောက်ပွဲဆိုင်ရာ ဥပဒေများနှင့် နည်းဥပဒေများအား ဆန့်ကျင်ကျော်လွန် ဆောင်ရွက်ရာရောက်ကြောင်း ရှမ်းတိုင်းရင်း သားများဒီမိုကရေစီအဖွဲ့ချုပ်(SNLD) ပါတီက ယနေ့ညနေပိုင်းတွင် ထုတ်ပြန်သည်။

ထိုပြင် ရွေးကောက်ပွဲရလဒ် ပယ်ဖျက်ခြင်းသည် ဒီမိုကရေစီအင်္ဂါရပ်နှင့် စံနှုန်းများအား သွေဖယ်နေသည့်အ တွက် တရားမျှတမှု လုံး၀မရှိသကဲ့သို့ လက်ခံနိုင်စရာ မရှိကြောင်း SNLDက ဆိုသည်။

Public Service Announcement

Public Service Announcement

၂၀၂၀ ရွေးကောက်ပွဲတွင် မဲစာရင်းမှားယွင်းမှုများ၊ တရား မဲ့ပြုကျင့်မှုများ ရှိနိုင်သည် ဆိုသော်လည်း တစ်နိုင်ငံလုံး အတိုင်းအတာ အရ ပေါ်လာသည့် မဲရလဒ်သည် အများစုသော ပြည်သူလူထု၏ ဆန္ဒအမှန်ကို ကိုယ်စားပြုသည်ဟု လက်ခံယုံကြည်ကြောင်း SNLDက ထုတ်ပြန်သည်။

ရွေးကောက်ပွဲဆိုင်ရာ အငြင်းပွားမှုများ၊ တရားမဲ့ပြုကျင့်မှုများ ရှိခဲ့သည့်တိုင် ဥပဒေနှင့်အညီ ခုံရုံးများဖွင့်၍ ဖြေရှင်းဆောင်ရွက်ရမည်ဖြစ်ကြောင်း၊ သို့သော် ရွေး ကောက်ပွဲဝင် ကိုယ်စားလှယ်လောင်း တစ်ဦးတစ်ယောက်ကိုမျှ ဥပဒေအတိုင်း လျှောက်လဲခွင့်၊ ဖြေရှင်းချေပခွင့် မပေးဘဲ ရွေးကောက်ပွဲရလဒ် တစ်ခုလုံးကို သိမ်းကျုံး၍ ပယ်ဖျက်လိုက်ခြင်းသည် ဥပဒေနှင့်အညီ ရိုးသားဖြောင့်မတ်စွာ ရွေးကောက်ပွဲဝင်ခဲ့ကြသူ ကိုယ်စား လှယ်လောင်းများ ဆန္ဒမဲပေးခဲ့ကြသည့် ပြည်သူများအား မတရားသဖြင့် နိုင့်ထက်စီးနင်း ပြုလုပ်ရာရောက်ကြောင်း ထုတ်ပြန်ချက်၌ ပါရှိသည်။

ထို့ကြောင့် SNLD ကိုယ်စားပြု၍ ရိုးရိုးသားသား မှန်မှန်ကန်ကန် ဝင်ပြိုင်ခဲံသော ပြည်သူ့ဆန္ဒနှင့်အညီ အနိုင်ရရှိခဲ့သော ရွေးကောက်ပွဲဆိုင်ရာ တရားမျှတမှုနှင့်ပတ်သက်၍ ကန့်ကွက်ခံရခြင်း မလျဉ်းမရှိသော ပါတီ၏ ကိုယ်စားလှယ် ၄၂ဦးကို သက်ဆိုင်ရာ မဲဆန္ဒရှင်ပြည်သူ လူထု၏ လူထုကိုယ်စားလှယ်များအဖြစ် အသိအမှတ်ပြုထားကြောင်း ကြေညာချက်ထုတ်ပြန်ခဲ့သည်။

SNLDသည် ရွေးကောက်ပွဲတွင် တတိယ မဲအများဆုံးအနိုင်ရပါတီတစ်ခုဖြစ်သည်။
၂၀၂၀ ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ်(NLD)က အပြတ်အသတ်အနိုင်ရရှိခဲ့ရာ အကြမ်း ဖက်စစ်တပ်က မဲစာရင်းများမှားယွင်းနိုင်သည်ဆိုသော မခိုင်လုံသော အကြောင်းပြချက်ဖြင့် လွတ်တော်ခေါ်ယူမည့် ဖေဖော်ဝါရီ ၁ရက်တွင် အာဏာသိမ်းယူခဲ့သည်။

Public Service Announcement

Public Service Announcement

အာဏာသိမ်းပြီးနောက် စစ်အာဏာရှင်ဆန့်ကျင်ရေးဆန္ဒပြ ပြည်သူများကိုလည်းအကြမ်းဖက်သတ်ဖြတ်၊ ဖမ်းဆီးနှိပ်စက်ခြင်းများ ဆက်တိုက်ပြုလုပ်လျက်ရှိသည်။