ပြည်သူ့အစိုးရလက်ထက် ကိုဗစ်ပထမလှိုင်းနဲ့ ဒုတိယလှိုင်းတွေတုန်းက ရန်ကုန်တိုင်းမှာ ဖျားနာကုအခမဲ့ဆေးခန်းတွေ ဦးစီးတည်းထောင်ခဲ့တဲ့ ပါမောက္ခဒေါက် တာမာမာကြည်ဟာ ကိုဗစ်ရေဂါနဲ့ ကွယ်လွန်သွားခဲ့ပါတယ်။
ကိုဗစ်ရောဂါကူးစက်ခံရလို့ ရန်ကုန်မြို့ မြောက်ဥက္ကလာပမြို့နယ် OSC ဆေးရုံမှာ တက်ရောက်ကုသနေစဉ် ဇူလိုင် ၂၆ ရက်က ကွယ်လွန်သွားခဲ့တာဖြစ်ပြီး ကွယ်လွန်ချိန်မှာ ဆရာမကြီးဟာ အသက် ၆၀ ရှိပါပြီ။
ဖေဖော်ဝါရီ ၁ ရက် စစ်တပ်ကအာဏာသိမ်းပြီးနောက်ပိုင်း ပါမောက္ခဒေါက်တာမာမာကြည်ဟာ အာဏာဖီဆန်ရေးအကြမ်းမဖက်လှုပ်ရှားမှု CDM မှာပါဝင်ခဲ့ကာ တာဝန်ထမ်းဆောင်ဆဲဖြစ်တဲ့ အင်းစိန်ဆေးရုံ သမားတော်ကြီး ဆေးတက္ကသိုလ်(၂)ရန်ကုန် ဆေးပညာဌာန ပါမောက္ခတာဝန်တွေကို စွန့်လွှတ်ခဲ့ပါတယ်။
မြန်မာနိုင်ငံဆရာဝန်များအသင်းရဲ့ နာယကတစ်ဦးဖြစ်တဲ့ ပါမောက္ခဒေါက်တာညွန့်သိန်းက သူ့ရဲ့ဖေ့စ်ဘွတ်ခ်လူမှုကွန်ယက်ကတဆင့် “Covid ပထမလှိုင်း၊ နောက် ဒုတိယလှိုင်းမှာ ပြသနာအဖြစ်ဆုံး၊ လူအထူထပ်ဆုံး၊ ရောဂါအကူးစက်ဆုံး အင်းစိန်မြို့နယ်မှာ clinician တစ်ဦးအနေနဲ့သာမက public health aspect ကပါ တွေးဆ ကြံစည်အားထုတ်ပြုလုပ်ဆောင်ရွက်ခဲ့တာ အံ့မခန်းပါ။ လူစိတ်ရှိသူတိုင်းအသိအမှတ်ပြုခဲ့ကြတာပါ”လို့ ဆရာမကြီးနဲ့ပါတ်သက်လို့ မှတ်ချက်ပေးပါတယ်။
Public Service Announcement
ဒါ့အပြင် Community Fever Clinic ကို အတိုက်အခံ၊ အပြောအဆို၊ အနှောက်အယှက် တွေကြားက စတင်ခဲ့ပြီး မြို့နယ် တိုင်း အနှံ့ ပြန့်နှံ့အောင်မြင်ခဲ့ပါတယ်လို့ ချီးကျူးစကားဆိုထားပါတယ်။
လက်ရှိဖြစ်ပွားနေတဲ့ ကိုဗစ်တတိယလှိုင်းထဲ ကိုဗစ်ရောဂါကူးစက်ခံရလို့ အသက်ဆုံးပါးခဲ့တဲ့ ကျန်းမာရေးပညာရှင်တွေထဲမှာ ပါမောက္ခဒေါ်မာမာကြည် ပါမောက္ခဦးစိုးလွင် အထွေထွေရောဂါကုသမားတော်ကြီး ဒေါက်တာသန္တာချို ကလေးအထူးကုဆရာဝန်ကြီး ဒေါက် တာသက်စံမျိုး စတဲ့ပညာရှင်တွေ ပါဝင်ခဲ့ပါတယ်။
