Connect with us

Hi, what are you looking for?

LuduNwayOo

News

မြန်မာပါဝင်တဲ့ ဂျပန်-မဲခေါင်အစည်းအဝေးစတင်တဲ့အပေါ် ဂျပန်ရောက်မြန်မာတွေ ကန့်ကွက်

နှစ်စဉ်ကျင်းပလေ့ရှိတဲ့ ဂျပန်-မဲခေါင်အစည်းအဝေးကို ကနဦးက မတ်လမှာ ပြုလုပ်ရမှာဖြစ်ပေမယ့် အဲဒီအချိန်က မြန်မာနိုင်ငံမှာ အရပ်သားအစိုးရကို ဖြုတ်ချပြီးအာဏာသိမ်းယူထားတဲ့ စစ်တပ်ကို အသိအမှတ်မပြုလိုတာကြောင့် ရွှေ့ဆိုင်းခဲ့တာဖြစ်ပါတယ်။

(ဂျပန်​ရောက်မြန်မာနိုင်ငံသားများ ပြီးခဲ့သည့်ဗုဒ္ဓဟူး​နေ့က ဆန္ဒပြကန့်ကွက်​နေစဥ်၊ဓါတ်ပုံ - R.T.M)

မြန်မာနိုင်ငံမှာ စစ်အာဏာသိမ်းမှုကြောင့် ရွှေ့ဆိုင်းထားတဲ့ ဂျပန်-မဲခေါင်အစည်းအဝေးကို ဒီနေ့ပြန် လည်စတင်လိုက်ပြီး အဲဒီအစည်းအဝေးဟာ အ ကြမ်းဖက်စစ်တပ်ကို အသိအမှတ်ပြုတာမဟုတ်ဘဲ စီးပွားရေးပူးပေါင်းဆောင်ရွက်ရေးနဲ့ တရုတ်ကို တန်ပြန်ဖို့အတွက် ကျင်းပတာဖြစ်တယ်လို့ လေ့လာ သူတွေက သုံးသပ်ပါတယ်။

ဂျပန်-မဲခေါင်အစည်းအဝေးကို ဂျပန်နိုင်ငံခြားရေးဝန်ကြီး မိုတီဂီက ဗီဒီယိုကွန်ဖရင့်နဲ့ ဆွေးနွေးဖက်နိုင်ငံတွေဖြစ်တဲ့ ကမ္ဘောဒီးယား၊ လာအို၊ မြန်မာ၊ ထိုင်း၊ ဗီယက်နမ်တို့ကို တွေ့ဆုံဆွေးနွေးမှာဖြစ်ပြီး ကိုဗစ်-၁၉ ထိန်းချုပ်ရေးအ တွက် အကူအညီတွေပေးရေး၊ တောင်တရုတ်ပင်လယ်အရေးနဲ့ မြန်မာ့အရေးတို့ကို ဆွေးနွေးမယ့်အစီအစဉ်မှာ ထည့်သွင်းထားပါတယ်။

နှစ်စဉ်ကျင်းပလေ့ရှိတဲ့ ဂျပန်-မဲခေါင်အစည်းအဝေးကို ကနဦးက မတ်လမှာ ပြုလုပ်ရမှာဖြစ်ပေမယ့် အဲဒီအချိန်က မြန်မာနိုင်ငံမှာ အရပ်သားအစိုးရကို ဖြုတ်ချပြီးအာဏာသိမ်းယူထားတဲ့ စစ်တပ်ကို အသိအမှတ်မပြုလိုတာကြောင့် ရွှေ့ဆိုင်းခဲ့တာဖြစ်ပါတယ်။

လက်ရှိအချိန်မှာလည်း အကြမ်းဖက်စစ်တပ်က ဆက် လက်အာဏာသိမ်းယူထားဆဲဖြစ်ပြီး ရွေးကောက်ခံအရပ် သားအစိုးရကို အာဏာပြန်လည်မလွှဲအပ်သေးတာကြောင့် အစည်းအဝေးကို အကြမ်း ဖက်စစ်ကောင်စီကို မဖိတ် ကြားဖို့နဲ့ အမျိုးသားညီညွတ်ရေးအစိုးရ(NUG)ကိုသာ ဖိတ်ကြားဖို့ ဂျပန်ရောက်မြန်မာတွေက ဆန္ဒထုတ်ဖော် တောင်းဆိုမှုတွေလုပ်ဆောင်ခဲ့ပါတယ်။

အစည်းအဝေးမှာ အကြမ်းဖက်စစ်ကောင်စီကို ဖိတ်ကြားတက်ရောက်စေမယ်ဆိုရင် ဂျပန်အစိုးရဟာ မြန်မာပြည် တွေအပေါ် ကြီးမားတဲ့လူ့အခွင့် အရေးချိုးဖောက်မှုတွေကို ဆက်လက်ကျူးလွန်ဖို့ အားပေးအားမြှောက်လုပ်ဆောင် တာနဲ့ အတူတူဖြစ်တယ်လို့လည်း ဂျပန်ရောက်မြန်မာတွေက ယူဆကြပါတယ်။

ဒါပေမဲ့ ဂျပန်ဟာ ပြီးခဲ့တဲ့ဇွန်လတုန်းက တရုတ်နိုင်ငံက ဦးဆောင်ပြီး အာဆီယံနိုင်ငံတွေနဲ့ အစည်းအဝေးပြုလုပ် တာ၊ ဇူလိုင်မှာ ကုလသမဂ္ဂက အာဆီယံနိုင်ငံတွေနဲ့ Virtually တွေ့ဆုံတာ စတဲ့ဆွေးနွေးပွဲတွေရှိခဲ့တာကြောင့် သူတို့အနေနဲ့ အခုအစည်းအဝေးကို ပြန်လည်ကျင်းပဖို့ဖြစ်လာခဲ့တာလို့ ဆိုပါတယ်။

တစ်ဖက်မှာလည်း ဂျပန်ဟာ မြန်မာစစ်အာဏာသိမ်းမှုကို အပြင်းအထန်ရှုတ်ချပြစ်တင်ထားပြီး ဒီမိုကရေစီ လမ်း ကြောင်းပေါ်ပြန်လည်ရောက်ရှိဖို့ တိုက်တွန်းကြိုးပမ်းမှုတွေလည်းရှိနေပါတယ်။

ကိုးကား – South China Morning Post

You May Also Like

သတင်း

ကမ္ဘာတစ်ဝန်း နိုင်ငံ​ပေါင်း ၁၈၀ ကို အကဲဖြတ်ရာမှာ​​နောက်ဆုံးက​​ရေတွက်ရင် အဂတလိုက်စားဆုံးနိုင်ငံတွထဲမှာ အဆင့် ၂၁ မှာ ရပ်တည်​နေတာဖြစ်ပါတယ်။

သတင်း

ရန်ကုန်မှာမနေ့က တရုတ်သံရုံးက ပြုလုပ်တဲ့ တရုတ်နှစ်ကူးပွဲ ကိုတက်ရောက်ခဲ့တဲ့ စစ်ကောင်စီ ခေါင်းဆောင်က တရုတ်နိုင်ငံကိုအသိပေးလိုက်တာလည်းဖြစ်ပါတယ်။

သတင်း

အောင်လအန်ဆန်သည် ပြီးခဲ့တဲ့ နိုဝင်ဘာလအတွင်းက ကျင်းပခဲ့သည့် MMA မစ်ဒယ်ဝိတ်တန်း စိန်ခေါ်ပွဲတွင်လည်း ဂျပန်ဖိုက်တာ အိုကာမီကို အလဲထိုး အနိုင်ရရှိခဲ့သည်။

နိုင်ငံတကာ

ဖုန်းခေါ်ဆိုသူဟာ လေယာဉ်ပေါ်မှာ ၁၀၀ ကီလိုဂရမ်လောက် အလေးချိန်ရှိတဲ့ ပလတ်စတစ် ဖောက်ခွဲရေး ပစ္စည်းတွေကို တင်ပေးလိုက်တယ်လို့ အခိုင်အမာ ပြောခဲ့ကြောင်း ရဲဌာနရဲ့ သတင်းရင်းမြစ် တချို့ကို ကိုးကားပြီး NHK သတင်းဌာနက ဖော်ပြပါတယ်။