Connect with us

Hi, what are you looking for?

LuduNwayOo

News

NUG၏ တယ်လီကျန်းမာဆေးခန်း ကိုဗစ်လူနာများ ပိုမိုပြသနိုင်ရန် ဆေးခန်းဖွင့်ချိန်တိုးမြှင့်

တယ်လီကျန်းမာဆေးခန်းကို ဇွန်လ ၁၉ရက်က စတင်ဖွင့်လှစ်ခဲ့ရာ မြန်မာနိုင်ငံတွင် ကိုဗစ်တတိယလှိုင်းဖြစ်ပွားလာသည့်အတွက် ကိုဗစ်လူနာများ သီးသန့်ကုသမှုခံယူနိုင်ရန် ဇူလိုင် ၁၆ရက်မှစ၍ တယ်လီကျန်းမာ COVID-19 Telegram Channel (၄) ခု ထပ်မံဖွင့်လှစ်ခဲ့သည်။ အဆိုပါ Channel ၄ခုမှာ ယခင်က နံနက် ၈နာရီမှ ညနေ ၄နာရီအထိသာ ပြသနိုင်ခြင်းဖြစ်ပြီး ယခု အချိန်တိုးမြှင့်ဖွင့်လှစ်လိုက်ခြင်းဖြစ်သည်။

အမျိုးသားညီညွတ်ရေးအစိုးရ (NUG)၊ ကျန်းမာရေးဝန်ကြီးဌာန၏ တယ်လီကျန်းမာဆေးခန်းအတွက် COVID-19 လူနာများ ပိုမိုပြသနိုင်ရန် နေ့စဉ် နံနက်၈ နာရီမှ ည၈နာရီအထိ အချိန်တိုးမြှင့်ထားကြောင်း တယ်လီကျန်းမာ၏ လူမှုကွန်ရက်စာမျက်နှာတွင် ယမန်နေ့က ထုတ်ပြန်သည်။

တယ်လီကျန်းမာဆေးခန်းကို ဇွန်လ ၁၉ရက်က စတင်ဖွင့်လှစ်ခဲ့ရာ မြန်မာနိုင်ငံတွင် ကိုဗစ်တတိယလှိုင်းဖြစ်ပွားလာသည့်အတွက် ကိုဗစ်လူနာများ သီးသန့်ကုသမှုခံယူနိုင်ရန် ဇူလိုင် ၁၆ရက်မှစ၍ တယ်လီကျန်းမာ COVID-19 Telegram Channel (၄) ခု ထပ်မံဖွင့်လှစ်ခဲ့သည်။ အဆိုပါ Channel ၄ခုမှာ ယခင်က နံနက် ၈နာရီမှ ညနေ ၄နာရီအထိသာ ပြသနိုင်ခြင်းဖြစ်ပြီး ယခု အချိန်တိုးမြှင့်ဖွင့်လှစ်လိုက်ခြင်းဖြစ်သည်။

စတင်ဖွင့်လှစ်လှစ်ချိန်မှ ဩဂုတ် ၄ရက်နေ့အထိ ဩဂုတ် ၄ရက်အထိရက်ပေါင်း ၂၀ အတွင်း COVID-19 လူနာ/လူနာရှင် စုစုပေါင်း (၃) သောင်းကျော် လာရောက်ပြသခဲ့ကြောင်း ထုတ်ပြန်ခဲ့သည်။ တယ်လီကျန်းမာ COVID-19 Telegram Channel (၄) ခုမှာ ၊ COVID-19 Telegram Channel 1 https://t.me/COVID19MM1၊ COVID-19 Telegram Channel 2 https://t.me/COVID19MM2၊ COVID-19 Telegram Channel 3 https://t.me/COVID19MM3 နှင့် COVID-19 Telegram Channel 4 https://t.me/COVID19MM4 တို့ဖြစ်သည်။

COVID-19 Telegram Channel (၄) ခုအပြင် CDM ဝန်ထမ်းများနှင့် တော်လှန်ရေးအင်အားစုများအတွက် သီးသန့် COVID-19 Telegram Channel ကိုလည်း ဇူလိုင် ၂၄ရက်က စတင်ဖွဲ့လှစ်ကာ ဆွေးနွေးကုသမှုများ ပြုလုပ်ပေးလျက်ရှိသည်ဟုဆိုသည်။

အထူးကုဆရာဝန်ကြီးများနှင့်လည်း ချိတ်ဆက်ထားသည့်အတွက် လိုအပ်လျှင် တာဝန်ကျဆရာဝန်က လူနာကို တယ်လီကျန်းမာ အထူးကုဆေးခန်းများသို့ ပြန်လည်ညွှန်းပို့ပေးမည်ဖြစ်ကြောင်း ထုတ်ပြန်ထားသည်။

ထို့ပြင် တယ်လီကျန်းမာဆေးခန်းတွင် လူနာများ တိုက်ရိုက်ပြသနိုင်သော တယ်လီကျန်းမာဆေးခန်း (https://doxy.me/telehealthmm) နှင့် (ခ) Booking ယူပြသနိုင်သော တယ်လီကျန်းမာဆေးခန်းဟူ၍ ဆေးခန်း (၂) မျိုးရှိရာ တိုက်ရိုက်ပြသသော စနစ်သည် လူနာများတွက် ပိုမိုအဆင်ပြေကြောင်းတွေ့ရ၍ Booking ယူပြသသော စနစ်ကို ဖျက်သိမ်းလိုက်ကြောင်း ထုတ်ပြန်ချက်၌ ပါရှိသည်။

တိုက်ရိုက်စနစ်အတွက် ဆရာဝန်အင်အားတိုးမြှင့်ထားပြီး https://doxy.me/telehealthmm တွင် နေ့စဉ် နံနက် (၈) နာရီမှ ညနေ (၆) နာရီအထိ တိုက်ရိုက်ပြသနိုင်ကြောင်း အသိပေးထားသည်။

တယ်လီကျန်းမာအစီအစဉ်အားလုံးအတွက် ပိတ်ရက် လုံးဝ (လုံးဝ) မရှိကြောင်း၊ ကုသမှု၊ တိုင်ပင်ဆွေးနွေးမှုများအားလုံးအတွက် အခကြေးငွေ တစ်ပြားတစ်ချပ်မျှလည်း ပေးစရာ၊ ကုန်ကျစရာ မလိုအပ်ကြောင်း ဖော်ပြထားသည်။

You May Also Like

သတင်း

ပြည်ထောင်စုလွှတ်တော် ကိုယ်စားပြုကော်မတီ (CRPH)၊ အမျိုးသားညီညွတ်ရေးအတိုင်ပင်ခံကောင်စီ (NUCC)၊ အမျိုးသားညီညွတ်ရေးအစိုးရ (NUG) ခေါင်းဆောင်များက နော်ဝေနိုင်ငံရေးပါတီများမှ ပါလီမန်အမတ်များနှင့် တွေ့ဆုံဆွေးနွေးခဲ့ခြင်းဖြစ်သည်။

နိုင်ငံတကာ

တရုတ်လက်အောက်ခံ မြို့ပြနိုင်ငံငယ်ရဲ့ အစိုးရ အဖွဲ့က လီရဲ့ ဆေးစစ်ရလဒ် အဖြေဟာ Positive ဖြစ်ခဲ့ကြောင်း နိုဝင်ဘာ ၂၁ ရက်မှာ အတည်ပြု ထုတ်ပြန်ပါတယ်။

သတင်း

အကြမ်းဖက်စစ်ကောင်စီအား လက်နက်များ ဖြန့်ဖြူးရောင်းချပြုလုပ်လျက်ရှိသည့် ကုမ္ပဏီများကို ပိတ်ဆို့ အရေးယူဆောင်ရွက်ရန် ကုလသမဂ္ဂ၊ အာဆီယံနှင့် နိုင်ငံတကာအဖွဲ့အစည်းများသို့ အမျိုးသားညီညွတ်ရေးအစိုးရ (NUG)က ယနေ့ထုတ်ပြန်တောင်းဆိုသည်။ အကြမ်းဖက်စစ်အုပ်စု၏ ရာဇဝတ်မှုများကို မျက်ကွယ်ပြုခြင်းသည် ရာဇဝတ်မှုများ ဆက်လက်ကျူးလွန်ရန် အားပေးရာရောက်သည်ဖြစ်၍ အားပေးထောက်ခံသည့် အပြုအမူမှန်သမျှကို မပြုလုပ်ကြရန် NUG က နိုင်ငံတကာကို...

သတင်း

စစ်ကောင်စီ၏ ပြစ်ဒဏ်လွတ်ငြိမ်းခွင့်ပေးအပြီးတွင် အာဆီယံအထူးကိုယ်စားလှယ်က ၎င်း၏ တတိယအကြိမ်မြောက် မြန်မာနိုင်ငံခရီးစဥ်ကို စီစဥ်နေကြောင်း ကြေညာလိုက်ပြီး ထင်ရှား သည့်နိုင်ငံရေးအကျဥ်းသားအချို့အပါအဝင် ပြစ်ဒဏ်လွတ်ငြိမ်းပေးခဲ့သည့်အပေါ် ကြိုဆိုကြောင်း ထုတ်ပြန်ခဲ့သည်။