ကိုဗစ်ဒုတိယလှိုင်းအတွင်း ပုသိမ်မြို့မှာ ဖွင့်လှစ်တဲ့ လူထုအခြေပြု အခမဲ့ဖျားနာကုဆေးခန်းကို ဦးစီးလုပ် ကိုင်ခဲ့သူတစ်ဦးဖြစ်တဲ့ ဒေါက်တာစစ်တင်ဟာ ကိုဗစ်ရောဂါနဲ့ ဒီကနေ့မှာ ကွယ်လွန်သွားပါတယ်။
ဒေါက်တာစစ်တင်ဟာ ၁၉၉၀ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်(NLD)ရဲ့အမတ်လောင်းတစ်ဦးအဖြစ်ဝင်ရောက်ယှဉ်ပြိုင်အနိုင်ရခဲ့သူတစ်ဦးဖြစ်သလို နိုင်ငံရေးအကျဉ်းသားဟောင်းတစ်ဦးလည်း ဖြစ်ပါတယ်။
NLD ပါတီဝင်အဖြစ်နဲ့ ၁၉၉၀ ကနေ ၁၉၉၅ ခုနှစ် အထိ ငပုတောမြို့နယ်ရဲ့ ပါတီစည်းရုံးရေးမှူးတာဝန်ကို ထမ်းဆောင်ခဲ့တဲ့အပြင် ကျွန်တော်နှင့် ဒေါ်အောင်ဆန်းစုကြည်လို့ အမည်ရတဲ့ အခန်းဆက်ဆောင်းပါးတချို့ ရေးသားခဲ့ဖူးပါတယ်။
ဒါ့အပြင် ဒေါက်တာစစ်တင်ဟာ အကောင်းဆုံးကို ဖန်တီးပါ နေပျော်စရာ ဘဝတာ စတဲ့စာအုပ်တွေကို ဒေါက်တာစစ်တင်(GP)ကလောင်အမည်နဲ့ ရေးသားခဲ့သူလည်း ဖြစ်ပါတယ်။
