Connect with us

Hi, what are you looking for?

LuduNwayOo

News

NUG ခေါင်းဆောင်တွေနဲ့ထိတွေ့ဆွေးနွေးတာ ဆက်လက်လုပ်ဆောင်ပြီး မြန်မာပြည်သူတွေနဲ့အတူ ရပ်တည်နေတယ်လို့ အမေရိကန်ပြော

အမေရိကန်အစိုးရဟာ အမျိုးသားညီညွတ်ရေးအစိုးရ (NUG)ခေါင်းဆောင်တွေနဲ့ ထိတွေ့ဆက်ဆံမှု ဆက်လက်လုပ်ဆောင်မှာဖြစ်ပြီး မြန်မာပြည်သူတွေနဲ့အတူ ရပ် တည်နေတယ်လို့ ထုတ် ဖော်ပြောဆိုပါတယ်။

မနေ့က အမေရိကန်နိုင်ငံခြားရေးဝန်ကြီးဌာန ပြောရေး ဆိုခွင့်ရှိသူ Ned Price က သမ္မတဘိုင်ဒန် အစိုးရရဲ့ NUG အပေါ်ထားတဲ့သဘောထားနဲ့ပတ်သက်လို့ သတင်းထောက်တစ်ဦးရဲ့ မေးမြန်းမှုကို ဖြေကြားရာမှာ အခုလို ထုတ်ဖော်ပြောဆိုတာဖြစ်ပါတယ်။

“ကျွန်တော်တို့ NUG ခေါင်းဆောင်တွေနဲ့ တွေ့ဆုံခဲ့ပြီးပါပြီ။ အခုလိုထိတွေ့မှုတွေ နက်ရှိုင်းစေဖို့ ကျွန်တော်တို့ ဆက်လုပ်ဆောင်မှာပါ” လို့ Ned Price က ဆိုပါတယ်။

ပြီးခဲ့တဲ့သီတင်းပတ်က အမေရိကန်နိုင်ငံခြားရေး ဒုတိယဝန်ကြီး Wendy Sherman က NUG နိုင်ငံခြားရေးဝန်ကြီး ဒေါ်ဇင်မာအောင်ကို အွန်လိုင်းကနေတွေ့ဆုံဆွေးနွေးခဲ့ပြီး အဲဒီတွေ့ဆုံမှုဟာ ဘိုင်ဒန်အစိုးရက NUG ကို တရားဝင်အစိုးရအဖြစ် အသိအမှတ်ပြုဖို့ စဉ်းစားနေတဲ့ အချက်ပြမှုလားလို့ သတင်းထောက်တစ်ဦးက မေးခွန်းထုတ်ခဲ့တာပါ။

“ကျွန်တော်တို့ ထိတွေ့ဆက်ဆံနေတယ်လို့ ပြောခဲ့ပြီးပါပြီ။ ပထမဆုံးကတော့ ဒီမိုကရေစီစနစ် ပြန်သွားဖို့ အလွန်စိတ်အားထက်သန်နေတဲ့ မြန်မာပြည်သူတွေနဲ့ ကျွန်တော်တို့ အတူရပ်တည် နေပါတယ်။ မြန်မာပြည်သူတွအတွက် ခိုင်မာတဲ့ အကူအညီအစိတ်အပိုင်းအဖြစ် ကျွန်တော်တို့ဟာ အရပ်ဖက်အဖွဲ့အစည်းတွေ၊ ဒီမိုကရေစီလိုလားတဲ့အဖွဲ့တွေနဲ့ ထိတွေ့မှုရှိနေတယ်။ ဒီလို လုပ်ဆောင်ခြင်းက ဒီမိုကရေစီအစိုးရကို ပြန်လည်အသက်သွင်းဖို့ပဲဖြစ်ပါတယ်” လို့ Ned Price က ဖြေကြားပါတယ်။

အကြမ်းဖက်စစ်တပ်က အာဏာသိမ်းပြီး ၆ လ ကျော်ရှိလာပေမယ့် အမေရိကန်ဟာ မြန်မာလူထု တစ်ရပ်လုံးဆန့်ကျင်နေတဲ့ စစ်ကောင်စီနဲ့ထိတွေ့ဆက်ဆံတာ၊ တွေ့ဆုံဆွေးနွေးတာ မရှိပါဘူး။

အမေရိကန် နိုင်ငံခြားရေး ဒုဝန်ကြီး Wendy Sherman နဲ့ NUG နိုင်ငံခြားရေးဝန်ကြီး ဒေါ်ဇင် မာအောင်တို့တွေ့ဆုံရာမှာ မြန်မာ့ဒီမိုကရေစီ လှုပ်ရှားမှုကို အမေရိကန်က ဆက်လက် ကူညီမယ့် အရေးအပါအဝင် ဒီမိုကရေစီလမ်းကြောင်းပေါ် ပြန်လည်ရောက်ရှိရေး ကြိုးပမ်းမှုတွေကို ထည့် သွင်းဆွေးနွေးခဲ့ပါတယ်။

You May Also Like

သတင်း

ယနေ့ (ဇန်နဝါရီ ၃၁ရက်)တွင် ကျရောက်သည့် (၇၄)နှစ်မြောက်ကရင့်တော်လှန်ရေးနေ့သို့ သဝဏ်လွှာပေးပို့ ခဲ့ခြင်းဖြစ်သည်။

သတင်း

​ငွေ​ပေးသွင်း​​သောအခါတော်လှန်ရေးကာလတွင် ၄၀ ရာခိုင်နှုန်းပေးသွင်းရမည်ဖြစ်ပြီး ကျန် ၆၀ ရာခိုင်နှုန်းကို တော်လှန်ရေးအလွန်လုပ်ငန်းစတင်ချိန်မှသာစတင်ပေးသွင်းရမည်ဟုသိရသည်။

သတင်း

အဲဒီနောက် ရုရှားပိုင် ယူရယ်လ် ဒေသမှာ အခြေစိုက်တဲ့ ရုရှား စီးပွားရေး ကုမ္ပဏီ တစ်ခုက ရုရှား စစ်သားတွေသာ စစ်မြေပြင်ရောက် Abramsနဲ့ Leopard 2 တင့်ကားတွေကို ဖျက်ဆီးနိုင်ရင်၊ ဒါမှမဟုတ် သိမ်းပိုက်နိုင်ရင် ရက်ရက်ရောရော ဆုကြေးငွေ ပေးအပ်သွားမယ်လို့ ကတိပြုခဲ့ပါတယ်။

ဆောင်းပါး

မင်းအောင်လှိုင်သည် ပါတီစုံဒီမိုကရေစီစနစ်ကို ပါးစပ်ဖျားမှ မချတမ်း တဖွဖွပြောဆိုနေသော်လည်း လုပ်ရပ်တွင်မူ တစ်ပါတီအာဏာရှင်စနစ်ကို ဦးတည်ထားသည်။