Connect with us

Hi, what are you looking for?

LuduNwayOo

News

ဖေ​​ဖော်ဝါရီ ၁ ရက်မတိုင်ခင်စွဲဆိုထားတဲ့စစ်​ဆေးဆဲအမှု​တွေ စစ်​ကောင်စီ ပိတ်သိမ်း “နိုင်ငံ​ရေးပုဒ်မ​တွေနဲ့စွဲဆိုခံထားရသူ​တွေမပါ”

ကိုဗစ်ကြောင့် ရုံးထုတ်စစ်ဆေးနိုင်တာမရှိလို့ ချုပ်ရက်ရှည်ကြာနေတဲ့ တရားခံတွေကို ထောက်ထားညှာတာ တဲ့အနေနဲ့ အမှုပိတ်သိမ်းပေးတာလို့ ဆိုထားတာတွေ့ရပါတယ်။
တရားရုံးတွေမှာ စစ်ဆေးနေဆဲဖြစ်ပေမယ့် အမှုပိတ်သိမ်းတဲ့အထဲမပါတဲ့ ခြွင်းချက် အမှုတွေလည်းရှိနေပါတယ်။

စစ်အာဏာသိမ်းတာကို ဆန့်ကျင်လို့ လူငါးထောင်ကျော် ဖမ်းဆီးထိန်းသိမ်းခံထားရချိန်မှာ ဖေဖော်ဝါရီလ ၁ ရက်နဲ့ အဲဒီနေ့ မတိုင်ခင် စွဲဆိုထားတဲ့ စစ်ဆေးဆဲ အမှုတွေကို စစ်​ကောင်စီက ပိတ်သိမ်းလိုက် ပါတယ်။

အဲဒီအမိန့် ကိုအာဏာသိမ်းစစ်ကောင်စီရဲ့ အတွင်းရေးမှူး ဒုတိယ ဗိုလ်ချုပ်ကြီးအောင်လင်း​ဒွေးက လက်မှတ်ရေးထိုးထုတ်ပြန်တာပါ။

ကိုဗစ်ကြောင့် ရုံးထုတ်စစ်ဆေးနိုင်တာမရှိလို့ ချုပ်ရက်ရှည်ကြာနေတဲ့ တရားခံတွေကို ထောက်ထားညှာတာ တဲ့အနေနဲ့ အမှုပိတ်သိမ်းပေးတာလို့ ဆိုထားတာတွေ့ရပါတယ်။
တရားရုံးတွေမှာ စစ်ဆေးနေဆဲဖြစ်ပေမယ့် အမှုပိတ်သိမ်းတဲ့အထဲမပါတဲ့ ခြွင်းချက် အမှုတွေလည်းရှိနေပါတယ်။

အကြမ်းဖက်မှုဥပဒေနဲ့ဆိုင်တဲ့အမှုတွေ ၊ ငွေကြေးခဝါချမှု နဲ့ဆိုင်တဲ့အမှု၊ လူကုန်ကူးမှု ၊မူးယစ်မှု ၊ မတရားအသင်းအမှု ၊ နိုင်ငံတော်သစ္စာဖောက်ဖျက်မှု ၊ နိုင်ငံတော်အကြည်ညိုပျက်စေမှု၊ တရားခံပြေးအမှု ၊ တရားရုံးမှာ ဦးတိုက်လျှောက်ထားတဲ့အမှု ၊တရားစွဲအဖွဲ့အစည်းက မပိတ်ပေးသင့်ကြောင်း လျှောက်ထားလာတဲ့အမှုတွေ ကတော့ အမှုပိတ်သိမ်းမယ့်အထဲအကျုံးမဝင်ဘူးလို့ စစ်ကောင်စီရဲ့ ထုတ်ပြန်ချက်အရသိရပါတယ်။

အဲဒီအမှုတွေကလွဲရင် ဖေဖော်ဝါရီလ ၁ ရက်နဲ့ အဲဒီ​နေ့မတိုင်ခင်က ပြစ်မှုတစ်ခုခုနဲ့ တရားစွဲခံရပြီး တရားရုံးတွေမှာ ကြားနာနေဆဲ အမှုတွေအားလုံးကို ပိတ်သိမ်းပြီး တရားခံတွေကို လွှတ်ရမယ်လို့ စစ်ကောင်စီက ဆိုထားတာဖြစ်ပါတယ်။

လူသတ်မှု ၊ မုဒိမ်းမှု၊ လူတစ်ဦးဦးကို ထိခိုက်နစ်နာစေမှု၊ ငွေကြေး ဒါမှမဟုတ် ပစ္စည်းဆုံးရှုံးနစ်နာစေမှုတွေကိုတော့ တရားလိုက အမှုမပိတ်လိုရင် လာမယ့် စက်တင်ဘာလ ၃၀ ရက်နောက်ဆုံးထားပြီး သက်ဆိုင်ရာ တရားရုံး လျှောက်ထားရမယ်လို့ စစ်ကောင်စီရဲ့ထုတ်ပြန်ချက် မှာပါရှိပါတယ်။

You May Also Like

သတင်း

အဆိုပါ တိုက်ပွဲများအတွင်း စစ်ကောင်စီတပ်မှ သေဆုံးထိခိုက်များပြားခဲ့ပြီး မောင်းပြန် သေနတ် ၂လက် သိမ်းဆည်းရမိခဲ့သည်ဟု အသိပေးထားသည်။

သတင်း

ဒီလိုစာရင်းကောက်တာ ကို ရက်ပေါင်း ၂၀ အတွင်း ကောက်ယူခဲ့တာဖြစ်ပြီး ရခိုင်ပြည်နယ်မှာ ၉၉ ရာခိုင်ကျော်ကောက်ယူပြီးစီးခဲ့တယ်လို့ စစ်ကောင်စီလဝက ဝန်ကြီးကဆိုပါတယ်။

သတင်း

ဖေဖော်ဝါရီ ၅ရက်က တန့်ဆည်မြို့ ဘောလုံးကွင်းမှ ထွက်လာသော (၃၆၁၊ ၃၆၇)တပ်တို့မှ စစ်ကောင်စီတပ်သားနှင့် ပျူစောထီးများသည် သပြေရင်းကျေးရွာ တစ်ညအိပ်တပ်စွဲခဲ့သည်။

သတင်း

ဗိုလ်ဝကြီးဆိုသူသည် မိတ္ထီလာမြို့တွင် သင်္ဂြိုလ်လိုက်ရပြီး မိုင်းထိခဲ့သည့်တပ်သား ငါးဦးလည်း အသက်အန္တရာယ်ထိခိုက်နိုင်ကြောင်း ဇာမဏီပြောက်ကျားတပ်ဖွဲ့တာဝန်ခံက ပြောသည်။