'/%3E%3C/svg%3E){kind=small}
မိုးကုတ်မြို့တွင် ယနေ့ နံနက်ပိုင်းက မိုးသည်းထန်စွာရွာသွန်းပြီး မြေပြိုမှုကြောင့် အုတ်တံတိုင်း၊ ထရန်စဖော်မာနှင့် ဓာတ်တိုင်ပြိုကျရာမှ လူနေအိမ်တစ်လုံးပေါ်ပိမိ၍ အသက် ၅ နှစ်အရွယ်ကလေးငယ်အပါအဝင် မိသားစုဝင်သုံးဦးသေဆုံးခဲ့သည်။
“သားအမိ နှစ်ဦး၊ အဖိုးကြီးတစ်ဦး၊ ကလေးက ၅ နှစ်အရွယ်ပဲရှိသေးတယ်”ဟု မိုးကုတ်ဒေသခံတစ်ဦးက ပြောသည်။
မိုးကုတ်မြို့အနောက်ပိုင်း ကျပ်ပြင်ရပ် အင်းခေါင်းရပ်ကွက်တွင် သြဂုတ် ၁၂ ရက်နံနက် ၈ နာရီခန့်က မိုးသည်းထန်စွာရွာသွန်းမှုကြောင့် အဆိုပါရပ်ကွက်ရှိ ဆီဆိုင်ဝင်းအုတ်တံတိုင်းနှင့် လျှပ်စစ် ထရန်စဖော်မာ(၁)လုံး ၊ ဓာတ်တိုင်(၂)တိုင်ပြိုကျခဲ့ပြီး အဆိုပါ အုတ်တံတိုင်းဘေးရှိ ထရံကာ၊ သွပ်မိုး၊ မြေစိုက်(၁၅x၁၀)ပေ လူနေအိမ်(၁)လုံးပေါ်သို့ ပိမိ၍ အိမ်အတွင်းရှိ လူ(၃)ဦးပိမိကာ သေဆုံးခဲ့ခြင်းဖြစ်ကြောင်း မိုးကုတ်မီးသတ်ဦးစီးဌာနက သတင်းထုတ်ပြန်သည်။
