Connect with us

Hi, what are you looking for?

LuduNwayOo

News

ကရင်နီဒေသတိုက်ပွဲ စစ်ကောင်စီတပ်ဖွဲ့ဝင် ငါးဦးသေ ဆုံးပြီး လက်နက်အချို့ရရှိဟု KNDF ထုတ်ပြန်

ယမန်နေ့ညပိုင်းကလည်း ဒီးမော့ဆိုနှင့် ဖရူဆိုမြို့ကြားထဲ၌ တိုက်ပွဲပြင်းထန်ခဲ့ကြောင်း ဒီးမော့ဆို စစ်ရှောင်ကူညီရေး တာဝန်ရှိသူတစ်ဦးက ပြောသည်။

(KNDFရဲ​ဘော်များ၏ပုံဖြစ်ပြီး ပုံအ​ဟောင်းဖြစ်ပါသည်)

ကရင်နီဒေသအတွင်း၌ ထပ်မံဖြစ်ပွားသည့် တိုက်ပွဲ၌ စစ်ကောင်စီတပ်ဖွဲ့ဝင် ငါးဦးသေဆုံးပြီး သုံးဦး ဒဏ်ရာရရှိခဲ့ကာ လက်နက်ငယ်အချို့နှင့် လက်နက်ကြီးတစ်လက် သိမ်းဆည်းရမိခဲ့ကြောင်း ကရင်နီအမျိုးသားကာကွယ် ရေးတပ်ဖွဲ့(KNDF)က ယမန်နေ့တွင် သတင်းထုတ်ပြန် သည်။

ကယားပြည်နယ် ထေးကလူဒေါကျေးရွာအနီးသို့ ဩဂုတ်၁၂ရက်က စစ်အင်အား ဖြည့်တင်းရန် လမ်းကင်းလာ ရောက်ချထားသော အကြမ်းဖက်စစ်ကောင်စီတပ်များကို ကရင်နီအမျိုးသားတိုးတက်ရေးပါတီ(KNPP/KA)နှင့် KNDF ပူးပေါင်းအဖွဲ့က တိုက်ခိုက်ခဲ့၍ မိနစ်အနည်းငယ် တိုက်ပွဲဖြစ်ပွားခဲ့ရာ စစ်ကောင်စီတပ်ဘက်က အထိနာခဲ့ခြင်းဖြစ်သည်ဟု ပါရှိသည်။

ထို့ပြင် ဒီးမော့ဆို- ဖရူဆို လမ်းမပေါ်ရှိ ကဒါးလားရွာ အနီးတွင်လည်း ယမန်နေ့ နေ့လည်က တိုက်ပွဲဖြစ်ပွားခဲ့ကြောင်း၊ စစ်ကောင်စီ၏ ဒီးမော့ဆိုအခြေစိုက်တပ်က ဖရူဆိုဖက်သို့ အမြောက်ဖြင့် စဉ်ဆက်မပြတ် ပစ်ခတ်ခဲ့ကြောင်း၊ အလားတူ ညနေပိုင်း၌ ဖယ်ခုံမြို့နယ်၌ KNDF တပ်ဖွဲ့နှင့် စစ်ကောင်စီတို့ တိုက်ပွဲဖြစ်ပွားခဲ့ပြီး စစ်ကောင်စီတပ်ဘက်မှ လက်နက်ကြီးများ ပစ်ခတ်ခဲ့ကြောင်း KNDFက ထုတ်ပြန်ခဲ့သည်။

ယမန်နေ့ညပိုင်းကလည်း ဒီးမော့ဆိုနှင့် ဖရူဆိုမြို့ကြားထဲ၌ တိုက်ပွဲပြင်းထန်ခဲ့ကြောင်း ဒီးမော့ဆို စစ်ရှောင်ကူညီရေး တာဝန်ရှိသူတစ်ဦးက ပြောသည်။

“မနေ့ညက တိုက်ပွဲကြီး ထပ်ဖြစ်တော့ အဲဒီဘက်မှာ ရှိတဲ့ စစ်ဘေးရှောင်တွေလည်း ထွက်ပြေးတိမ်းရှောင်ရတယ်။ မနေ့ညက ဒီးမော့ဆိုနဲ့ ဖရူမြို့ကြားထဲမှာဖြစ်တာ။ မနနေ့က နေ့ဘက်မှာလည်း KNDFနဲ့ KAကရင်နီတပ်မတော်က တိုက်ခိုက်လို့ စစ်တပ်ဘက်က အကျအဆုံးရှိတယ်ပြောတယ်။သူတို့ ထုတ်ပြန်ထားတာ ငါးယောက်။ နောက် ပြီးတော့ လက်နက် အချို့ဟာ​တွေရတယ်လို့သိရတယ်။ ပြည်သူလူထုဘက်က လက်နက်ကြီးကျလို့ ထိခိုက်ဒဏ်ရာရရှိတာ နှစ်ယောက်၊ အမျိုးသမီးတစ်ယောက် အမျိုးသားတစ်ယောက်လို့ သိရတယ်”ဟု ဒီးမော့ဆို ဒေသခံက ပြောသည်။

အကြမ်းဖက်စစ်ကောင်စီတပ်များ၏ အဆမတန်အင်အားဖြည့်တင်းမှုများနှင့် ထိုးစစ်ဆင်မှုများကြောင့် ယနေ့ ဖရူဆိုနှင့် ဒီးမော့ဆိုမြို့နယ်များတွင် တိုက်ပွဲများ တပြိုင်နက်ဖြစ်ပွားခဲ့ကြောင်း၊ ထို့ကြောင့် ယင်းမြို့နယ်များ၌ တိုက်ပွဲများ ပြင်းထန်လာနိုင်ဖွယ်ရှိ၍ ပြည်သူများ လုံခြုံရေးသတိရှိကြရန် KNDFက အသိပေးထားသည်။

Click to comment

Leave a Reply

သင့် email လိပ်စာကို ဖော်ပြမည် မဟုတ်ပါ။

You May Also Like

သတင်း

စစ်ကောင်စီတပ်များ ပစ်ခတ်လိုက်သောလက်နက်ကြီးကြောင့် ပြည်သူနှစ်ဦး သေဆုံးခဲ့ရပြီး သုံးဦးထိခိုက်ဒဏ်ရာရရှိခဲ့သလို ရွာသားတစ်ဦးကို ပစ်သတ်ခဲ့ပြီး ရွာသားတစ်ဦးအား ဖမ်းဆီးခဲ့ကာ ကေအဲန်ယူ-မူး(မုန်း)မြို့နယ်အတွင်းရှိ ကျေးရွာ(၂)ရွာကိုလည်း စစ်ကောင်စီတပ်များမှ အတင်းအဓမ္မပြောင်းရွှေ့စေခဲ့သည်ဟု ကေအဲန်ယူမှ ထုတ်ပြန်ထားသည်။

သတင်း

ယမန်နေ့ ညနေ ၃ နာရီခွဲတွင် စစ်ကောင်စီစစ်ကြောင်းသည် ဓားစာခံအဖြစ် ဒေသခံပြည်သူ ၁၂ဦးကို ဖမ်းဆီးခေါ်ဆောင်၍ မုံရွေးကြေးမုံရွာမှ ထွက်ခွာသွားကြောင်း ဒေသခံများက ပြောသည်။

သတင်း

စစ်ကောင်စီတပ်က ခင်ဦးမြို့နယ်အား ဆက်သွယ်ရေး၊ အစားအသောက် ရိက္ခာ၊ကုန်ပစ္စည်း၊ လမ်းကြောဖြတ်တောက်ခြင်းပြုလုပ်နေသည်ဟု ဒေသခံများက ယူဆ​ကြသည်။

သတင်း

မနေ့က ညနေပိုင်း ၃ နာရီလောက်မှာ စစ်ကောင်စီ ယာဉ်တန်းကို စောင့်ဆိုင်းပြီး မိုင်း ၃ လုံးနဲ့ ကြိုတင်တိုက်ခိုက်ဖို့စီမံခဲ့ပေမယ့် ၁ လုံးသာဖောက်ခွဲနိုင်ခဲ့တယ်လို့သိရပါတယ်။