စစ်​ကောင်စီက မုံရွာတွင် နေ့မထွက်ရ​အမိန့်ထုတ်

အာဏာသိမ်းစစ်​ကောင်စီလက်​အောက် မုံရွာခရိုင် စစ်​ကောင်စီက ကိုဗစ်နိုင်တီးထိန်းချုပ်​ရေးအ​ကြောင်းပြချက်နဲ့ သြဂုတ် ၁၄ရက်ကစပြီး မရှိမဖြစ်စား​သောက်ကုန်​တွေ၊လူသုံးကုန်ပစ္စည်းအ​ရောင်ဆိုင်​တွေအပါအဝင် ဆိုင်အားလုံး မနက် ၁၀ နာရီက ည​နေ ၄ နာရီအထိပိတ်ထားရမယ်လို့ ​အမိန့်ထုတ်ပြန်ထားပါတယ်။

မုံရွာ​ဒေသခံ​တွေက ဒါကို ​နေ့မထွက်ရအမိန့်လို့​ပြော​နေကြပြီး ၊သတ်မှတ်ချက်က သဘာဝမကျ​ကြောင်း​ဝေဖန်​နေကြသလိုပြည်သူ​အများစုကလည်း မလိုက်နာကြပါဘူး။

“နေ့မထွက်ရဆိုတော့ညထွက်သဘောလား”လို့ပြည်သူတစ်ဦးက​​မေးခွန်းထုတ်ပါတယ်။

မုံရွာ​ဒေသခံတစ်ဦးကလည်း “လုပ်ချင်တာက အစိုးရ။ အစိုးရနဲ့တူအောင်လုပ်တတ်တာဘာမှမရှိ။ အပြင်မထွက်ရတဲ့ လူတန်းစားထဲမှာ အိမ်မှာ ငတ်နေတဲ့လူတွေအတွက် ဘာတွေ စီမံထားလဲ ဘာတွေ ပြင်ဆင်ထားမလဲ၊ ဘာတွေထောက်ပံ့မလဲ လုံးဝမရှိ။ စောက်စေတနာမရှိပဲ ကြိုးစားနေလိုက် ဘယ်တော့မှအစိုးရမဖြစ်ဘူး”လို့​ပြောပါတယ်။

Public Service Announcement

စစ်​ကောင်စီက​တော့ မုံရွာမြို့ဟာ သြဂုတ် ၁၂ ရက်ကစပြီး အိမ်တွင်​နေရန်အစီအစဥ်မှာအကြုံးဝင်ပြီလို့ဆိုပါတယ်။ လက်ဖက်ရည်ဆိုင်၊စား​သောက်ဆိုင်​တွေအ​နေနဲ့ပါဆယ်နဲ့​ရောင်းရမှာဖြစ်သလို ဆိုင်အားလုံးက မနက် ၁၀ နာရီနဲ့ ည​နေ ၄ နာရီကြားမဖွင့်ရဘူးလို့ထူးထူးဆန်းဆန်းထုတ်ပြန်တာဖြစ်ပါတယ်။

အပြင်ထွက်ရချိန်နည်းသွားရင် ထွက်ရတဲ့အချိန် နည်းနည်းမှာလူ​တွေစုံပြုံထွက်ရင် ကိုရိုနာဗိုင်းရပ်စပိုကူးစက်နိုင်တယ်လို့လည်း​ပြည်သူအချို့က​ ပြောပါတယ်။ စစ်​ကောင်စီက အဲလို​ကြေညာ​ပေမယ့် ​ဒေသခံအများစုက စစ်​ကောင်စီကို အသိ့အမှတ်မပြုသလို အမိန့်ကိုလည်း မလိုက်နာဘဲ ကိုယ့်အသိ့စိတ်ဓါတ်နဲ့ကိုယ်သာ ကိုဗစ်ကူးစက်မှု​လျော့ပါး​အောင်​ဆောင်ရွက်​နေတယ်လို့ဆိုပါတယ်။

“နေ့အလုပ်ထွက်မှစားရမဲ့သူတော့ဘယ်လိုလုပ်ကြမလဲ ခေါင်းမရှိတဲ့မအလ” လို့​ဒေသခံတစ်ဦးက​ ပြောပါတယ်။