ကလေးမြို့နဲ့ ဂန့်ဂေါ်မြို့အကြား မောင်းနှင်သွားလာနေတဲ့ ကားတွေဟာ မဖြစ်မနေ မှန်ချပြီးမောင်းနှင်ဖို့ ကလေး ပြည်သူ့ကာကွယ်ရေးအဖွဲ့ (PDF-Kalay)ကဒီနေ့သတိပေးပါတယ်။
မှန်ချမမောင်းရင်ဖြစ်ပေါ်လာမယ့် နောက်ဆက်တွဲပြဿနာအရပ်ရပ်ကို ကလေး-PDF အနေနဲ့ တာဝန်ယူမှာမဟုတ်ဘူးလို့လည်း သတိပေးထားပါတယ်။
ငြိမ်းချမ်းစွာ ဆန္ဒပြနေတဲ့ပြည်သူတွေကိုအာဏာသိမ်းစစ်ကောင်စီက အကြမ်းဖက်သတ်ဖြတ် ၊ဖမ်းဆီး ၊နှိပ်စက်တာတွေကြောင့် တခြားနယ်တွေလိုပဲ ကလေးမြို့မှာလည်းပြည်သူတွေကို အကာအကွယ်ပေးဖို့ တူးမီးသေနတ်အပါအဝင်ရရာလက်နက်စွဲကိုင်ပြီး ကလေး PDF ပေါ်ပေါက်လာပါတယ်။ စစ်ကောင်စီကဖိနှိပ်ဖြိုခွင်းဖို့ ကြိုးစားနေတဲ့ကြားက ကလေး-PDF ကခုခံတော်လှန်နေတာဖြစ်ပါတယ်။
