NUG ရဲ့ ရေဒီယိုအစီအစဉ် လာမယ့်ဩဂုတ် ၂၀ ရက် စတင်စမ်းသပ်ထုတ်လွှင့်မယ်

အမျိုးသားညီညွတ်ရေးအစိုးရရဲ့ သတင်းအချက် အလက်တွေကို အချိန်နဲ့တစ်ပြေးညီ ထုတ်ပြန်နိုင်ဖို့အတွက် Radio NUG အစီအစဉ်ကို မကြာခင်စတင်မယ်လို့ ဒီနေ့ကြေညာပါတယ်။

ဘယ်လိုအခြေအနေမှာဖြစ်ဖြစ် ပြည်သူလူထုနဲ့ အဆက် အသွယ်မပြတ်ရှိနေစေဖို့နဲ့ အမျိုးသားညီညွတ်ရေးအစိုးရရဲ့ အရေးကြီးတဲ့ သတင်းအချက်အလက်တွေကို အချိန်နဲ့တစ်ပြေးညီ လူထုကို အသိပေးနိုင်ဖို့ အထက်ပါ ရေဒီယိုအစီအစဉ်ကို လုပ်ဆောင်နေခြင်းဖြစ်တယ်လို့ NUG ရဲ့ထုတ်ပြန် ချက်မှာ ဖော်ပြပါတယ်။

Radio NUG ထုတ်လွှင့်ဖို့ ပြင်ဆင်ဆောင်ရွက်နေရာမှာ လာမယ့် ဩဂုတ် ၂၀ ရက်က စလို့ မနက် ၈ နာရီတစ်ကြိမ်နဲ့ ည ၈ နာရီတစ်ကြိမ်တို့မှာ စမ်းသပ်ထုတ်လွှင့်မှာဖြစ်ပြီး လှိုင်းတိုမီတာ ၁၆ ၊မက်ဂါဟဇ် ၁၇ ဒသမ ၇၁ မှာ ဖမ်းယူနားဆင်နိုင်မယ် ကြေညာထားပါတယ်။

နေ့စဉ် မနက် ၈ နာရီ နဲ့ ည ၈ နာရီ တိုင်းမှာ မိနစ်၃၀ စာအစီအစဉ် တစ်နေ့လျှင် နှစ်ကြိမ် ထုတ်လွင့်သွားမှာဖြစ်ပြီး 10 Band Digital Radio အမျိုးအစားများကို ဆောင်ထားကြဖို့လည်း တိုက်တွန်းပါတယ်။