ဟားခါး-ထန်တလန်ကြားတိုက်ပွဲ စစ်​ကောင်စီတပ် အနည်းဆုံးငါးဦး​သေ

ချင်းပြည်နယ် ဟားခါး-ထန်တလန် ကြားတစ်​နေရာမှာ CDF ထန်တလန်နဲ့ အာဏာသိမ်းစစ်​ကောင်စီတပ်​တွေ သြဂုတ် ၂၀ – ၂၁ ရက်မှာတိုက်ပွဲ ဖြစ်ပွားရာမှာ စစ်​ကောင်စီတပ်ငါးဦးထက်မနည်း​သေဆုံးတယ်လို့ ချင်း​ဒေသကာကွယ်​ရေးတပ်ဖွဲ့ – CDF ထန်တလန်က ဒီ​နေ့သတင်းထုတ်ပြန်ပါတယ်။

စစ်​ကောင်စီတပ်အင်အား ၂၀၀ ဝန်းကျင်နဲ့ တိုက်ပွဲဖြစ်ပွားတာမှာ စစ်​ကောင်စီတပ်ဘက်က ​သေဆုံးမှုရှိ​ပေမယ့် CDF ထန်တလန်ဘက်က ​ထိခိုက်ဒဏ်ရာရတာမရှိဘူးလို့လည်း​ဖော်ပြထားပါတယ်။

စစ်​ကောင်စီတပ်​တွေက လက်နက်ကြီးနဲ့အဆက်မပြတ် ပစ်ခတ်​နေတဲ့အတွက် CDF ​တွေကနောက်ဆုတ်ထားရတယ်လို့လည်းပါရှိပါတယ်။

ဒါ့အပြင် ယခုအခါ ထန်တလန်မြို့မှာစစ်ကောင်စီတပ်​တွေ အများအပြားဝင်ရောက်​နေတဲ့အတွက် ပြည်သူ​တွေ အ​​နေနဲ့မြို့အဝင်အထွက် သွားလာကြတာမှာဖို့လည်း သတိထားကြဖို့လည်းCDF က တိုက်တွန်းထားပါတယ်။

Public Service Announcement

မင်းတပ်မြို့အပါအဝင် ချင်းပြည်နယ် အနှံ့မှာ CDF နဲ့ အကြမ်းဖက်စစ်​ကောင်စီတပ်​တွေ ဇူလိုင်လကစပြီး တ​ကျော့ပြန် တိုက်ပွဲ​တွေပြင်းထန်​နေပါတယ်။ ဇူလိုင်နဲ့ သြဂုတ်လလယ်အထိ ချင်းပြည်နယ်မှာ(မင်းတပ်တိုက်ပွဲများမပါ) ဖြစ်တဲ့တိုက်ပွဲ​တွေမှာစစ်​ကောင်စီတပ်ဖွဲ့ဝင် ၄၀ ခန့်​သေဆုံးခဲ့တယ်လို့ CDF က သတင်းထုတ်ပြန်ထားပါတယ်။