မြန်မာ့ဒီမိုကရေစီအရေး နိုင်ငံတကာအသိုင်းအ၀ိုင်းနဲ့ အနီးကပ်ဆက်လက်ပူးပေါင်းမယ်လို့ တောင်ကိုရီးယားသမ္မတအိမ်တော်ထုတ်ပြန်

မြန်မာနိုင်ငံမှာ ငြိမ်းချမ်တည်ငြိမ်မှုပြန်လည်ရရှိရေးနဲ့ ဒီမိုကရေစီကြိုးပမ်းမှုများအတွက် တောင်ကိုရီးယားက နိုင်ငံတကာ အသိုင်းအ၀ိုင်းနဲ့အနီးကပ် ဆက်လက်ပူးပေါင်းဆောင်ရွက်သွားမယ်လို့ သမ္မတအိမ်တော် Cheong Wa Dae က ဒီနေ့ထုတ်ပြန်ပါတယ်။

အကြမ်းဖက်စစ်ကောင်စီရဲ့ နိုင်ငံရေးအတိုက်အခံဖြစ်တဲ့ အမျိုးသားညီညွတ်ရေးအစိုးရ(NUG)ကို တရားဝင် ထောက်ခံကြောင်းထုတ်ဖော်ပြောကြားဖို့ တောင်ကိုရီးယားအစိုးရကို လူထုတောင်းဆိုမှုတွေနဲ့ပတ်သက်ပြီး သမ္မတအိမ်တော် Cheong Wa Dae ကအခုလိုတုံ့ပြန်လိုက်တာဖြစ်ပါတယ်။

သမ္မတအိမ်တော်ရဲ့ အင်တာနက်စာမျက်နှာမှာ လူပေါင်း ၂၆၈၀၀၀ ဦးကျော်က တောင်ကိုရီးယားအနေနဲ့ ဒေါ်အောင်ဆန်းစုကြည်ပါဝင်တဲ့ NUG အစိုးရရဲ့ တရားဝင်သံတမန်ဆက်ဆံရေးလုပ်ဆောင်နိုင်ဖို့ မေတ္တာ ရပ်ခံ တောင်းဆိုခဲ့ကြတာပါ။

“တောင်ကိုရီးယားအစိုးရအနေနဲ့ မြန်မာပြည်သူတွေရဲ့ဆန္ဒနဲ့ ကိုက်ညီတဲ့ အခြေအနေဆီရောက်ရှိဖို့ ရှေ့ ဆက်လုပ် ဆောင်ပြီး ပံ့ပိုးကူညီမှုတွေလည်း ဆက်လက်လုပ်ဆောင်သွားပါ” လို့ Cheong Wa Dae က ထုတ်ပြန်ပါတယ်။

Public Service Announcement

တောင်ကိုရီးယားအစိုးရဟာ NUG က ပုဂ္ဂိုလ်တွေ အပါအဝင် အဓိကတာဝန်ရှိသူတွေနဲ့ ခိုင်မြဲတဲ့ဆက်ဆံရေး ဆက် လက်လုပ်ဆောင်သွားမယ်လို့ ထုတ်ပြန်ချက်မှာ ဆက်လက်ဖော်ပြပါတယ်။

ကိုးကား – Yonhap