အမျိုးသားညီညွှတ်ရေးအစိုးရ(NUG)မှ စစ်အာဏာရှင်များကို စတင်ခုခံတော်လှန်ကြရန် အရေးပေါ်အခြေ အနေ ကြေညာလိုက်ပြီဖြစ်၍ မန္တလေးသံဃာထုဖြင့်ဖွဲ့စည်းထားသော သံဃသမဂ္ဂ(မန္တလေး)သည် ပြည်သူ့လုံခြုံရေးလုပ်ငန်းများ ဆောင်ရွက်သွားမည်ဖြစ်ကြောင်း အဆိုပါအဖွဲ့မှ ယနေ့သတင်းထုတ်ပြန်သည်။
မြန်မာနိုင်ငံတွင် စစ်အာဏာရှင်စနစ်အမြစ် ပြတ်ရေးဖက်ဒရယ်ဒီမိုကရေစီဖော်ဆောင်ရေးရည်မှန်းချက်ဖြင့် ဖေဖော်ဝါရီ၉ ရက်မှ စတင်ကာ ယနေ့အထိရက်ပေါင်း(၂၁၁)တိုင်တိုင် ပြည်သူလူထုနဲ့အတူရပ်တည်ကာ အကြမ်းဖက်စစ်အာဏာရှင်ကို ငြိမ်းချမ်းစွာ ဆန့်ကျင်ဆန္ဒပြတော်လှန်ခဲ့ပါကြောင်း၊ အမျိုးသားညီညွှတ်ရေးအစိုးရ(NUG)မှ ယနေ့ စက်တင်ဘာလ ၇ ရက်နေ့တွင် စစ်အာဏာရှင်များကိုဘက်ပေါင်းစုံမှ ခုခံတော်လှန်ကြဖို့ အရေးဖော်အခြေအနေအဖြစ် ကြေညာလိုက်ပြီဖြစ်၍ မိမိတို့ သံဃသမဂ္ဂ(မန္တလေး)အနေဖြင့် အရေးပေါ်ကာလ ကူညီကယ်ဆယ်ရေးလုပ်ငန်းများကို ရပ်ကွက်/မြို့နယ်အလိုက် လုံခြုံရေးအဖွဲ့များနှင့် ချိတ်ဆက်ပြီး ပြည်သူ့လုံခြုံရေးလုပ်ငန်းများကို လုပ်ကိုင်ဆောက်ရွက်သွားမှာဖြစ်ကြောင်း၊ ပြည်သူလူထုအနေဖြင့် စစ်အာဏာရှင် စနစ်အမြစ်ပြတ်ရေး ပြည်သူ့တော်လှန်ရေးမှာ မိမိတို့တက်နိုင်သည့်ဘက်မှ ပူးပေါင်းပါဝင်ပေးကြပါရန်နှင့် အရေးပေါ်ကာလအတွင်း အစစအရာရာ သတိ ဝီရိယရှိရှိ လုပ်ကိုင်ဆောင်ရွက်ကြပါရန်အသိပေး တိုက်တွန်းလိုက်ကြောင်း ထုတ်ပြန်ကြေညာခဲ့သည်။
