ကလေးမြို့နယ်တွင် စစ်ကောင်စီယာဥ်တန်းကို ​ဒေသခံ PDF မိုင်းခွဲတိုက်ခိုက်

ကလေးမြို့နယ် တောင်ပိုင်းမှ ကလေးမြို့ဘက်သို့ ကုန်တင်ကားအချို့မှာ အရပ်ဘက်အိမ်စီးကားအချို့ဖြင့် ရောနှော၍ မောင်းနှင်ဖြတ်သန်းလာသည့် အကြမ်းဖက်စစ်ကောင်စီ၏ စစ်ယာဉ်တန်းကို မိုင်းခွဲတိုက်ခိုက်ခဲ့ရာ စစ်ကောင်စီတပ်များ သေဆုံးမှုရှိနိုင်ကြောင်း ကလေးမြို့နယ်ပြည်သူ့ကာကွယ်ရေးတပ်ဖွဲ့(PDF)က သတင်းထုတ်ပြန်သည်။

ကလေးမြို့နယ် ထောက်ကြန့်ရွာနှင့် သာယာကုန်းရွာ အကြားတွင် စက်တင်ဘာ ၈ရက် ညပိုင်းက မိုင်းဖောက် တိုက်ခိုက်ပြီး လက်နက်ကြီး လက်နက်ငယ်များဖြင့် ညှပ်ပိတ်ပစ်ခတ်တိုက်ခိုက်ခဲ့ကြောင်း၊ PDF ဘက်က အထိအခိုက်မရှိဘဲ အောင်မြင်စွာဆုတ်ခွာနိုင်ခဲ့ကြောင်း ထုတ်ပြန်ချက်တွင် ​ဖော်ပြထားသည်။

တိုက်ခိုက်မှုအတွင်း အကြမ်းဖက်စစ်ကောင်စီ ကျေးကျွန်စစ်သား အများအပြားသေဆုံးနိုင်‌သော်လည်း အရေ အတွက်အတိအကျအတည်မပြုနိုင်သေးဟုလည်း ဖော်ပြထားသည်။

အာဏာရူးမင်းအောင်လှိုင်လက်ပါးစေ အကြမ်းဖက်စစ်သားများသည် ကလေးမြို့နယ်တောင်ပိုင်း ကျေးရွာများတွင် စစ်ရာဇဝတ်မှုများ ဆက်လက်ကျူးလွန်လျက်ရှိပြီး ယနေ့ညနေပိုင်းအထိ သတင်းအရ ကြံသာကျေးရွာအတွင်းရှိ နေအိမ် ၉ လုံးကို မီးရှို့ဖျက်စီးခံခဲ့သည့်အပြင်၊ ဒိုးနွယ်ရွာမှ စိတ်ကျန်းမာရေးချို့ယွင်းသူ တစ်ဦးအပါအဝင် အပြစ်မဲ့ပြည်သူ သုံးဦးကို ရက်စက်စွာ သတ်ဖြတ်ကာ ရေမြောင်းအတွင်း ပစ်ချထားခဲ့ကြောင်းလည်း ထုတ်ပြန်ခဲ့သည်။

Public Service Announcement

ပြည်သူတစ်ရပ်လုံးအပေါ် ဖိနှိပ်သတ်ဖြတ်နေသော၊ ပြည်သူလူထု၏ ဘုံရန်သူဖြစ်သော အကြမ်းဖက်စစ်ကောင်စီကို အမြစ်ဖြတ်သုတ်သင်ချေမှုန်းရေးအတွက် မဆုတ်မနစ်ဆက်လက်တိုက်ပွဲဝင်သွားမည်ဖြစ်ကြောင်း ကလေး PDFက ထုတ်ပြန်ခဲ့ပြီး ပြည်သူများအနေဖြင့်လည်း ဤမုန်တိုင်းကာလကို ကြံ့ကြံ့ခံ၍ ပြည်သူ့ကာကွယ်ရေးတပ်ဖွဲ့များနှင့်အတူ ရရာနည်းဖြင့်ပါဝင်၍ စစ်ကောင်စီကို ချေမှုန်းတိုက်ခိုက်သွားကြရန် တိုက်တွန်းထားသည်။