'/%3E%3C/svg%3E){kind=small}
ဆောင်းရာသီစိုက်ပျိုးစရိတ်ချေးငွေနဲ့ ကိုဗစ်-၁၉ ချေးငွေ ပြန်လည်ပေးဆပ်ရမယ့်ရက်ကို တစ်နှစ်တိတိနောက် ဆုတ်လိုက်တယ်လို့ အမျိုးသားညီညွတ်ရေးအစိုးရ (NUG)က ဒီနေ့ထုတ်ပြန်ပါတယ်။
စစ်ကောင်စီရဲ့ အဆင်အခြင်မဲ့စွာ အာဏာသိမ်းမှုကြောင့် တောင်သူလယ်သမားတွေအပါအဝင် ပြည်သူတစ်ရပ်လုံး ဘက်ပေါင်းစုံအကျပ်အတည်းနဲ့ရင်ဆိုင်နေရတာကြောင့် တောင်သူလယ်သမားသက်သာချောင်ချိရေးကို ရှေးရှုပြီး တစ်နှစ်တိတိသက်တိုးမြှင့်တာဖြစ်လို့ NUG က ဆိုပါတယ်။
အဲဒီလို သက်တမ်းတစ်နှစ်တိုးမြှင့်ပြင်ဆင်လိုက်တာကြောင့် ဒဏ်တိုးပေးဆောင်ရန်မလိုတဲ့အပြင် ချေးငွေအပေါ် ပုံမှန်ကောက်ခံတဲ့ ၅ ရာခိုင်နှုန်းကိုလည်း ကင်းလွတ်ခွင့်ပြုတယ်လို့ ထုတ်ပြန်ချက်မှာဖော်ပြပါတယ်။
