ကုလတွင် သံအမတ်ကြီးဦးကျော်မိုးထွန်းအား အသိ အမှတ်ပြုရေး အိုင်ယာလန်ရောက်မြန်မာများဆန္ဒပြ

(၇၆) ကြိမ်မြောက် ကုလသမဂ္ဂအထွေထွေညီလာခံတွင် သံအမတ်ကြီး ဦးကျော်မိုးထွန်းအား မြန်မာနိုင်ငံကိုယ်စားပြုအဖြစ် အသိအမှတ်ပြုရေးအတွက် အိုင်ယာလန်နိုင်ငံရောက် မြန်မာနိုင်ငံသားများက ယနေ့ (စက်တင်ဘာ ၁၃ ရက်) တွင် ဆန္ဒပြတောင်းဆိုခဲ့ကြသည်။

အဆိုပါ တောင်းဆိုမှုတွင် အိုင်ယာလန်နိုင်ငံရောက် မြန်မာနိုင်ငံသားများနှင့် အိုင်းရစ်လူမျိုးအချို့ပါဝင် ပူးပေါင်း၍ ဒဗ္ဗလင်မြို့ရှိ နိုင်ငံခြားရေးဝန်ကြီးများရုံးရှေ့၌ ပြုလုပ်ခဲ့ကြသည်။

ဆန္ဒပြသူများသည် စစ်ကောင်စီနှင့် အာဏာသိမ်းမှုကို ဆန့်ကျင်ရန် ၊ NUGအစိုးရ ကို မြန်မာနိုင်ငံ၏ တခုတည်းသော အစိုးရအဖြစ် လက်ခံရန်၊ စစ်ဘေးရန်ကြောင့် ဒုက္ခရောက်နေသူများကို လူသားခြင်းစာနာမှု အထောက်အပံ့များ ကူညီရန် စသည်တို့ ရေးသားထားသည့် ဗီနိုင်းများ ကိုင်ဆောင်ကာ ဆန္ဒပြခဲ့ကြသည်။