ရန်ကုန်မြို့ မင်္ဂလာတောင်ညွန့်နှင့် ကြည့်မြင်တိုင်မြို့နယ်တို့ရှိ ပန်းခြံနှင့် ဓာတ်တိုင်များတွင် စစ်အာဏာရှင်ကို ဆန့်ကျင်ရေး စာရွက်များလိုက်လံ ကပ်ခဲ့ကြသည်။
“အမှန်တရားအတွက် ရဲရင့်ဖို့လိုပြီ” ဟု စာသားပါ ဗီနိုင်းကို ပန်းခြံတစ်ခု၏နံရံတွင် ချိတ်ဆွဲခဲ့ပြီး “တော်လှန်ရေးရဲ့ ကြွေးကြော်သံဆိုတာ မတရားမှု၊ ဖိနှိပ်မှု၊ နာကျင်မှုတွေက စခဲ့လို့ ကျွန်တော်တို့ အဆုံးထိ တိုက်ပါရစေ” စာစောင်များကိုလည်း ဓာတ်တိုင်များ၌ ကပ်ခဲ့ကြခြင်း ဖြစ်သည်။
ထို့အပြင် ပြည်သူ့တော်လှန်ရေးတွင် ပြည်သူအားလုံးပူးပေါင်းပါဝင်ပေးရန် နှိုးဆော်သည့် စာရွက်များကိုလည်း လမ်းမထက်၌ ဖြန့်ကြဲခဲ့သည်။
