ရှေး​ဟောင်းမြို့​တော်ပုဂံတွင် ​ရေကြီး၊​ ရေအိုင်၍ ​​စေတီ ပုထိုးများ ထိခိုက်ပျက်စီး​၊ စေတီပုထိုးနေရာ ၂၀ခန့်တွင် ​ရေကြီး​နေဟုဆို

ရှေးဟောင်းမြို့​တော်ပုဂံယဥ်ကျေးမှုနယ်မြေတွင် မိုးသန်းထန်စွာရွာသွန်းမှု​ကြောင့် ​ယ​နေ့ ရှေး​ဟောင်နယ်​မြေအတွင်း ရေကြီး၊​ရေအိုင်မှုဖြစ်ပွားနေသည်။

​ပုဂံ​ဒေသရှိ ရွှေနန်းရင်တော်ဘုရားအုပ်စု၊ ဘုရားသုံးဆူအနီးရှိ ​စေတီပုထိုးများအပါအဝင် ​နေရာ၂၀ခန့်တွင် ​​ရေကြီး၊​ရေအိုင်မှုဖြစ်​နေ​ကြောင်း ပုဂံ​ဒေသခံများက​ ပြော သည်။

“ရေကြီးတာက ​လှေစီးလို့​တောင်ရတယ်။ရေ​တွေအမြန်​ဖောက်ထုတ်မှရမယ်။ အရင်ကလည်း​ရေအိုင်တာ​တွေ​တော့ ရှိတယ်။ အခုလိုမျိုးကြီးက​တော့ မဖြစ်ဘူး”ဟု ပုဂံ​ဒေသခံတစ်ဦးက ​ပြောသည်။

ပုဂံ​ဒေသတွင် ရာသီဥတုဖောက်ပြန်မှုကိုကြိုတင်စီမံပြင်ဆင်ထားခြင်းမရှိ၍ ကမ္ဘာ့အမွေအနှစ်တွေဆုံးရှူံးမှုများနေ​ကြောင်း ယဥ်​ကျေးမှုအ​မွေအနှစ်ထိန်းသိမ်း​ရေးပညာရှင်တစ်ဦးဖြစ်သူ ​ဒေါ်ဥမ္မာမျိုးက ယ​နေ့ ပုဂံ​ရေကြီးမှုနှင့်ပတ်သက်ပြီး ​၎င်း၏လူမှုကွန်ရက်တွင် ထောက်ပြ​ရေးသားထားသည်။

Public Service Announcement

ဖွံ့ဖြိုးရေးစီမံကိန်းများ လမ်းဖောက်၊အဆောက်အအုံဆောက်လုပ်ခြင်းများကြောင့် ပျက်စီးပိတ်ဆို့သွားသောမူလရေဆင်းလမ်းကြောင်းများပြန်လည်ဖော်ထုတ်ထိန်းသိမ်းရန်၊ အမွေအနှစ်ပတ်ဝန်းကျင်ရှိသစ်ပင်ကြီးများအား အမွေအနှစ်အပေါ်အန္တရာယ်ရှိနိုင်လျှင်ရှင်းလင်းရန်၊ ရှေးဟောင်းအဆောက်အအုံထိန်းသိမ်းခြင်းဆိုသည်မှာဘတ်ဂျက်များစွာဖြင့်ဆောင်ရွက်ရသောပရောဂျက်ကြီးများမလိုပဲ စဥ်ဆက်မပြတ်စောင့်ကြည့်၍ ညောင်ပင်သတ်ခြင်း၊ မိုးယိုလျှင်ပြင်ဆင်ခြင်း စသဖြင့် ထိန်းသိမ်းရေးပုံမှန်လုပ်ဆောင်နေရန်နှင့် ကမ္ဘာလှည့်ခရီးသွားလုပ်ငန်းမှာ
ကပ်ရောဂါ၊ နိုင်ငံရေးစသည်တို့ကြောင့်ထိခိုက်မှုဖြစ်လွယ်သောကြောင့် ဒေသခံများ၏နဂိုမူလ စိုက်ပျိုး ရေးလုပ်ငန်းကို ဒုတိယဝင်ငွေရလမ်းအဖြစ် ဖွံ့ဖြိုးတိုးတက်စေရန် ပုဂံ Cultural landscape မထိခိုက်စေပဲ စီစဥ်ဆောင်ရွက်ရန်တို့ဟု သူမက ​ထောက်ပြ သည်။

၂၀၁၃က ပုဂံကိုကမ္ဘာ့အမွေအနှစ်တင်ရန်စတင်လုပ် ဆောင်စဥ်ကတည်းက ယူနက်စကိုမှအမွေအနှစ်များစီမံခန့်ခွဲရေးကျွမ်းကျင်သူများ၊ထိန်းသိမ်းရေးပညာရှင်များက သက်ဆိုင်သူများကို အကြိမ်ပေါင်းများစွာဆွေးနွေးအကြံပြုခဲ့​ကြောင်း ၎င်းက ဆိုသည်။

ယခုရက်ပိုင်းအတွင် ပုဂံရှေးဟောင်းနယ်မြေတွင် မိုး ကောင်းနေပြီး အဆိုပါမိုးရွာသွန်းမှုကြောင့် ငလျင်ဒဏ်ခံခဲ့ရသည့် ​စေတီပုထိုးအချို့မှာ ပြိုကျပျက်စီးမှုများ ဖြစ်​ပေါ်​နေသည်။

စက်တင်ဘာ၁၁ရက်က မိုးသည်းထန်စွာရွာသွန်းမှုကြောင့် ဘုရားအမှတ်(၁၀၄၂)’ဆင်ကဘုရား’ ၏ ​စောင်းတန်းပြိုကျမှု ဖြစ်ပွားခဲ့သည်။ ပုဂံမြို့သစ် ကျန်စစ်သားနယ်​မြေ ​ရွှေ​လောင်းရပ် ကွက်ရှိ ဆင်ကဘုရား၏ အ​နောက်​တောင်​ထောင့်​စောင်းတန်းပြိုကျခဲ့ခြင်း ဖြစ်သည်။

ပြီးခဲ့သည့် သြဂုတ် ၃၁ရက်ကလည်း မိုးသည်းထန်စွာရွာသွန်းမှု​ကြောင့် ဘုရားအမှတ် (၈၀၁) သံပျင်စွာဘုရား၏ တောင်ဘက်နံရံပြိုကျပျက်စီးမှုဖြစ်ခဲ့သည်။

၂၀၁၆ သြဂုတ်၂၄ရက်က လှုပ်ခတ်သည့် အင်အားပြင်းငလျင်ဒဏ်​ကြောင့် ​ရှေး​ဟောင်းပုဂံ​ဒေသရှိ ​စေတီပုထိုး ၃၈၉ဆူ ထိခိုက်ပျက်စီးခဲ့သည်။ ထိုငလျင်ဒဏ်ခံရပြီး​နောက်တွင် မိုးတွင်းကာလ၌ မိုးသည်းထန်စွာရွာသွန်းပါက ​ပုဂံ​ဒေသရှိ စေတီပုထိုးအချို့မှာ ပြိုကျပျက်စီးမှု နှစ်စဥ်ဖြစ်​ပေါ်​နေသည်။