မိုးကောင်းမြို့နယ် နမ္မတီးမြို့ လဝါးနှင့် မရန်ကထောင်ကျေးရွာအနီးတွင် စစ်ကောင်စီတပ်ကို ကချင်လက်နက် ကိုင်အဖွဲ့(KIA)က ယနေ့ ကြားဖြတ်တိုက်ခိုက်ခဲ့သည်။
KIA တပ်မဟာ(၂)၊ တပ်ရင်း ၁၁ နယ်မြေသို့စက်တင်ဘာ ၂၃ရက် နံနက်က စစ်ရေးလှုပ်ရှားလာသည့် အာဏာသိမ်းစစ်တပ်ကို ခုခံတိုက်ခိုက်ခဲ့ခြင်းဖြစ်သည်ဟု KIA သတင်းနှင့် ပြန်ကြားရေးဌာန Kachinnet Burmese က သတင်းဖော်ပြသည်။
အာဏာသိမ်းစစ်တပ်များသည် မိုးကောင်းမြို့ စ.က.ခ (၃)တပ်မှ စစ်ကားများဖြင့် ၈မိုင်ဘက်မှစစ်ရေးလှုပ်ရှားထွက်လာခြင်းဖြစ်ကြောင်း၊ မရန်ကထောင်မှတစ်ဆင့် ခြေလျင်ဖြင့် ခရီးဆက်လာချိန် KIAက ခုခံတိုက်ခိုက်ခဲ့ခြင်းဖြစ်ကြောင်း ပါရှိသည်။ တိုက်ပွဲတွင် နှစ်ဖက် ထိခိုက် ကျဆုံးမှုရှိ၊မရှိကို ဖော်ပြမထားပေ။
အာဏာသိမ်းစစ်တပ်မှ တိုက်ပွဲဖြစ်ပွားရာအနီးပတ်ဝန်း ကျင်သို့ လက်နက်ကြီးများဖြင့် ပစ်ခတ်ခဲ့သည့်အပြင် ခရီးသွားပြည်သူများကို မွန်းလွဲ ၂နာရီခန့်ထိ မရန်ကထောင် ဂိတ်တွင်စစ်ဆေးမေးမြန်းမှုများ ပြုလုပ်နေကြောင်း Kachinnet Burmese က ဆိုသည်။
Public Service Announcement
