အာဏာသိမ်းစစ်ကောင်စီ၏ အကြမ်းဖက်လုပ်ရပ်များကြောင့် ပြည်သူလူထုများ အိုးအိမ်ပျက်စီးဆုံးရှုံးခဲ့ရမှုများအတွက် တရားမျှတမှု ရရေး ပြည်သူ့အစိုးရ အာဏာအပြည့်အ၀ ကျင့်သုံးနိုင်ခွင့် ရချိန်၌ ဆောင်ရွက်မည်ဖြစ်ကြောင်း အမျိုးသားညီညွတ်ရေးအစိုးရ(NUG)က ယနေ့ ထုတ်ပြန်သည်။
အာဏာသိမ်းစစ်ကောင်စီနှင့် ယင်း၏ လက်အောက်ခံ အဖွဲ့အစည်းများ၏ တရားမဲ့ပြုကျင့် ဆောင်ရွက်မှု များကြောင့် နိုင်ငံသူ နိုင်ငံသားများ ပိုင်ဆိုင်သည့် နေအိမ်၊ အဆောက်အဦး၊ ဥပစာနှင့် ပစ္စည်းများအပါ အဝင် ပိုင်ဆိုင်မှုနှင့် အကျိုးစီးပွားများ ပျက်စီး ဆုံးရှုံးနစ်နာမှုများအပေါ် ပြည်သူ့အစိုးရအာဏာ အပြည့် အ၀ ကျင်သုံးနိုင်ခွင့်ရရှိသည့်အခါ တရားမဲ့ ပျက်စီး ဆုံးရှုံးနစ်နာခဲ့ရမှုများအတွက် ဥပဒေနှင့်အညီ တရား မျှတမှု ပြန်လည်ရရှိနိုင်ရေးအစွမ်းကုန် အာမခံ ဖြည့်ဆည်းဆောင်ရွက်ပေးမည်ဟု ဖော်ပြခဲ့သည်။
နိုင်ငံပိုင်မြေနှင့် အဆောက်အဦနှင့် မြေကွက်များကို အကြမ်းဖက် စစ်ကောင်စီမှ တနည်း နည်းဖြင့် လွှဲပြောင်းခြင်း၊ ရောင်းချခြင်း၊ ငှားရမ်းခြင်း၊ အကျိုးတူပူးပေါင်း ဆောင်ရွက်ခြင်းများသည် တရားဝင်မှု လုံး၀မရှိသော ကြောင့် ပြည်သူ့အစိုးရ အာဏာအပြည့်အ၀ ကျင့်သုံးနိုင်ခွင့်ရရှိချိန်တွင် ချွင်းချက်မရှိ ပြန်လည် သိမ်းယူသွားမည်ဖြစ်ကြောင်းလည်း အသိပေးထားသည်။
ထို့ပြင် ဝယ်ယူငှားရမ်း ပူးပေါင်းဆောင်ရွက်သူများအား အကြမ်းဖက်မှု တိုက်ဖျက်ရေး ဥပဒေအပါအဝင် တည်ဆဲ ဥပဒေများနှင့်အညီ ထိရောက်စွာ အရေးယူဆောင် ရွက်သွားမည်ဖြစ်သည်ဟု ဆိုသည်။
Public Service Announcement
နိုင်ငံသူ နိုင်ငံသားများအနေဖြင့် အာဏာသိမ်းစစ်ကောင် စီနှင့် အယင်း၏ လက်အောက်ခံအဖွဲ့အစည်း အဆင့် ဆင့်၏ တရားမံ ပြုမူဆောင်ရွက်ချက်များကို အထောက် အထားများဖြင့် စနစ်တကျ မှတ်တမ်းတင်ထားခြင်း၊ အမျိုးသားညီညွတ်ရေးအစိုးရ လက်အောက်ရှိ သက်ဆိုင်ရာ ဝန်ကြီးဌာနများမှ တရားဝင် ဖွင့်လှစ်ထားရှိသည့် တိုင်းတန်းရမည့်နေရာများသို့ သတင်းပေးပို့ တိုင်တန်းခြင်းများကို ဆောင်ရွက်ကြရန်လည်း NUGက တိုက်တွန်းပန်ကြားထားသည်။
စစ်ကောင်စီအနေဖြင့် စစ်အာဏာရှင်ဆန့်ကျင်ရေးငြိမ်းချမ်းစွာ ဆန္ဒပြခဲ့သည့် ပြည်သူလူထုများကို အကြမ်းဖက်ပစ်ခတ်သတ်ဖြတ်ခဲ့သည့်အပြင် ကျေးရွာများသို့ ဝင်ရောက်စီးနင်းကာ ဒေသခံများအား သတ်ဖြတ်ခြင်း၊ ပြည်သူလူထုပိုင်ပစ္စည်းများလုယူခြင်း၊ နေအိမ်များကို မီးရှို့ခြင်းများ နေရာဒေသ အသီးသီး၌ ဆောင်ရွက်လျက်ရှိသည်။
