Connect with us

Hi, what are you looking for?

LuduNwayOo

News

အာဏာရှင်စနစ်ချုပ်ငြိမ်းရေး အားလုံးလက်တွဲဖော်ဆောင်ပေးရန် PNLO ပန်ကြားချက်ထုတ်ပြန်

ယနေ့ကာလတွင် စစ်အာဏာရှင်စနစ်အပါအဝင် အာဏာရှင်စနစ် အမျိုးမျိုးတို့ကို ချုပ်ငြိမ်းစေပြီး ဖက်ဒရယ်ပြည်ထောင်စုပေါ်ထွန်း တည်ဆောက်နိုင်ရေးကို အမျိုးသားရေးတာဝန်အဖြစ် သတ်မှတ်ခံယူ၍ ဆောင်ရွက်ရန် ကြေညာချက်၌ပါရှိသည်။

အာဏာရှင်စနစ်အားလုံး ချုပ်ငြိမ်းရေးအတွက် ပအိုဝ်းအမျိုးသားထုတစ်ရပ်လုံးက ပြည်ထောင်စုဘွား ညီနောင်တိုင်းရင်းသားလူမျိုးပေါင်းစုံ ပြည်သူလူထုကြီးနှင့်အတူ လက်တွဲဖော်ဆောင်ပေးရန် ပန်ကြားကြောင်း ပအိုဝ်းအမျိုးသားလွတ်မြောက်ရေးအဖွဲ့ချုပ်(PNLO)က ကြေညာချက်ထုတ်ပြန်သည်။

စက်တင်ဘာ ၂၄ရက်တွင် ကျရောက်သည့်(၄၆) နှစ် မြောက် ပအိုဝ်းအမျိုးသားအာဇာနည်နေ့ အထိမ်းအမှတ် အဖြစ်ထုတ်ပြန်သောPNLO၏ ကြေညာချက်တွင် ယခု ကဲ့သို့ ဖော်ပြခြင်းဖြစ်သည်။

ယနေ့ကာလတွင် စစ်အာဏာရှင်စနစ်အပါအဝင် အာဏာရှင်စနစ် အမျိုးမျိုးတို့ကို ချုပ်ငြိမ်းစေပြီး ဖက်ဒရယ်ပြည်ထောင်စုပေါ်ထွန်း တည်ဆောက်နိုင်ရေးကို အမျိုးသားရေးတာဝန်အဖြစ် သတ်မှတ်ခံယူ၍ ဆောင်ရွက်ရန် ကြေညာချက်၌ပါရှိသည်။

ထိုသို့ဆောင်ရွက်ရာတွင် ပအိုဝ်းအမျိုးသားလက်နက် ကိုင်အဖွဲ့အစည်းများ၊ ပအိုဝ်းအမျိုးသား နိုင်ငံရေးပါတီများ၊ စာပေယဉ်ကျေးမှုနှင့် လူငယ်အမျိုးသမီးစသည့် ပအိုဝ်းအရပ်ဖက်လူမှုအဖွဲ့အစည်းများ အပါအဝင် ဒေသပေါင်းစုံ၊အလွှာပေါင်းစုံမှ ပအိုဝ်းအမျိုးသားထုတစ်ရပ်လုံးက ပြည်ထောင်စုဘွား ညီနောင်တိုင်းရင်းသား လူမျိုးပေါင်းစုံ ပြည်သူလူထုကြီးနှင့်အတူ လက်တွဲ ဖော်ဆောင်ပေးရန် အလေးအနက် ပန်ကြားကြောင်း ကြေညာခဲ့သည်။

PNLOသည် တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့ဖြစ်ပြီး စစ်တပ်အာဏာ သိမ်းမှုကို ဆန့်ကျင်ကန့်ကွက်ကြောင်း အခြားအပစ်ရပ်အဖွဲ့များနှင့်အတူ ပူးတွဲကြေညာထားသည်။

Public Service Announcement

Public Service Announcement