ရှမ်းပြည်နယ်မြောက်ပိုင်း မုံးကိုးမြို့နယ်ခွဲအတွင်းရှိ စစ်ဘေးရှောင်စခန်းတွင် ကိုဗစ်ရောဂါ ကူးစက်မှုဆိုးရွားနေပြီး စစ်ဘေးဒုက္ခသည် ၁၀၀ခန့် ကိုရိုနာဗိုင်းရပ်စ်ကူးစက်ခံထားရသည်။
“စစ်ဘေးရှောင်နေရသူ ခုနှစ်ရာကျော်မှာ တစ်ရာလောက်ပိုးတွေ့ထားတယ်။ စစ်ဆေးဆဲလူတွေလည်း ကျန်သေးတယ်။ ဆေးဝါးလုံလောက်မှုလည်း မရှိဘူး”ဟု စစ်ဘေးရှောင်နေရသူတစ်ဦးက ပြောသည်။
မုံးကိုးစစ်ဘေးရှောင်စခန်းတွင် စက်တင်ဘာ ၂၄ရက် ညအထိ စစ်ဆေးချက်အရ ပိုးတွေ့လူနာ ၉၃ဦးရှိနေပြီဖြစ်သည်။ ၉၃ဦးအနက် ၆ ဦးမှာ သင်းအုပ်ဆရာများဖြစ်သည်။
မုံးကိုးမြို့နယ်တွင် အာဏာသိမ်းစစ်ကောင်စီနှင့် ကိုးကန့်အဖွဲ့ (MNDAA)သည် ဩဂုတ်ကစတင်၍ တိုက်ပွဲ အပြင်းအထန်ဖြစ်ခဲ့ပြီး ယနေ့အချိန်အထိလည်း မကြာ ခဏတိုက်ပွဲများ ဖြစ်ပွားနေသည်ဟု ဒေသခံများကပြောသည်။
Public Service Announcement
ရှမ်းပြည်နယ်မြောက်ပိုင်းအခြေစိုက် လူမှုကူညီရေးအဖွဲ့များက မုံးကိုးတွင်လတ်တလော ရင်ဆိုင်နေရသော ကမ္ဘာ့ကပ်ရောဂါဘေးကို ကူညီဖြေရှင်းပေးရန် ဒေသခံများနှင့် စစ်ဘေးရှောင်များက တောင်းဆိုသည်။
