မြန်မာပြည်သူတွေရဲ့ ရဲရင့်မှုနဲ့ ဒီမိုကရေစီကို အမြန်ဆုံးအကောင်အထည်ဖော်နိုင်လိမ့်မယ်လို့ နယူးယောက်မြို့ကိုရောက်ရှိနေတဲ့ တောင်ကိုရီးယားဒီမိုကရက်တစ်ပါတီခေါင်းဆောင် ဦးစီးတဲ့ လွှတ်တော်ကိုယ်စားလှယ်အဖွဲ့က ပြောကြားလိုက်ပါတယ်။
၇၆ ကြိမ်မြောက် ကုလသမဂ္ဂအထွေထွေညီလာခံကို လေ့လာဖို့နဲ့ အမေရိကန်အစိုးရတာဝန်ရှိသူ တွေနဲ့ တွေ့ဆုံဖို့ အမေရိကန်ကိုရောက်ရှိနေတဲ့ အထက်ပါကိုယ်စားလှယ်အဖွဲ့ဟာ ကုလသမဂ္ဂဆိုင်ရာမြန်မာသံအမတ်ကြီးဦးကျော်မိုးထွန်းနဲ့ဒီနေ့တွေ့ဆုံခဲ့ရာမှာ ပြောကြားခဲ့တာပါ။
တောင်ကိုရီးယားအစိုးရနဲ့ အနိုင်ရပါတီ ဒီမိုကရက်တစ်ပါတီခေါင်းဆောင်ဆုန်ယောင်ဂီးက မြန်မာနိုင်ငံမှာ ဒီမိုကရေစီ ပြန်လည်ရရှိရေးအတွက် တတ်နိုင်တဲ့ဘက်ကနေ အစွမ်းကုန်ကူညီသွားမယ်လို့ ပြောဆိုထားပြီး မြန်မာပြည်သူတွေရဲ့ခံစားချက်နဲ့ နာကျင်မှုတွေကို ကိုယ်ချင်းစာကြောင်း ထုတ် ဖော်ပြောဆိုပါတယ်။
ဒါ့အပြင် အကြမ်းဖက်စစ်တပ်ရဲ့ အာဏာသိမ်းမှုကို ကန့်ကွက်ရှုတ်ချခဲ့တဲ့ သံအမတ်ကြီးဦးကျော်မိုးထွန်းရဲ့ ရဲစွမ်းသတ္တိကိုလည်း တောင်ကိုရီးယား ကိုယ်စားလှယ်အဖွဲ့က ချီးကျူးခဲ့ပါတယ်။
ဒီမိုကရက်တစ်ပါတီခေါင်းဆောင် ဆုန်ယောင်ဂီးဟာ လာမယ့်အစိုးရသက်တမ်းမှာ တောင်ကိုရီး ယားရဲ့ သမ္မတဖြစ်လာမယ်လို့ ထင်ကြေးပေးခံရသူလည်းဖြစ်ပါတယ်။