နိုင်ငံတော်လျှို့ဝှက်ချက် ဥပဒေနဲ့ တရားစွဲခံရတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ရဲ့ တရားခွင်မှာ ရှေ့နေ ဦးရေ ကန့်သတ်ခံရတယ်လို့ တရားလွှတ်တော်ရှေ့နေ ဦးခင်မောင်ဇော် က ပြောပါတယ်။
ဒီအမှုကို ခရိုင်တရားရုံးကနေ နေပြည်တော်ကောင်စီ ဝန်းထဲမှာ ဖွင့်ထားတဲ့ အထူးတရားရုံးမှာ ဒီမနက်က စစ်ဆေးတာပါ။
တရားခွင်မစတင်မီ ရှေ့နေတွေဟာ ဇဗ္ဗူသီရိမြို့နယ် ရဲစခန်းက ရဲ အရာရှိနဲ့တွေ့ဆုံခဲ့ပါတယ်။
ဒီလို တွေ့ဆုံရာမှာ စွပ်စွဲခံရသူ ၅ ဦးရဲ့ ရှေ့နေတွေအားလုံး တရားခွင်တက်ရောက်မယ်ဆိုရင် တရားခွင်မှာနေရာအခက်အခဲရှိတယ်လို့ ပြောတဲ့အကြောင်း တရားလွှတ်တော် ရှေ့နေ ဦးခင်မောင်ဇော်က ပြောပြပါတယ်။
ဒါကြောင့် ရှေ့နေဦးရေကိုေ လျာ့ချဖို့ ပြောခဲ့တယ်လို့သိရပါတယ်။
အမှုသည်ရဲ့အခွင့်အရေးအရ ရှေ့နေကြိုက်သလောက်ဌားခွင့်ရှိတဲ့အကြောင်း ရှေ့နေတွေဖက်က ပြောရာမှာတော့ ရဲအရာရှိက နေရာအခင်းအကျင်းကို ပြန်လည်ပြင်ဆင်ပေးမှာဖြစ်ပေမယ့် ဒီနေ့ အတွက်တော့ အထက်အမိန့်အရ စွပ်စွဲခံရသူ ၁ ဦး ကို ရှေ့နေ ၁ ဦးသာ ဝင်ခွင့်ရမယ့်အကြောင်း ပြောခဲ့တယ်လို့ တရားလွှတ်တော် ရှေ့နေ ဦးခင်မောင်ဇော်က ပြောပါတယ်။
တရားခွင် စတင်ချိန်မှာ ရှေ့နေ တွေက အခုလို ဦးရေ ကန့်သတ်ခံတဲ့အပေါ် တရားသူကြီးကို တင်ပြခဲ့ပြီး တရားသူကြီးက နေရာ ထိုင်ခင်းအဆင်ပြေအောင် ဆောင်ရွက်ဖို့ ရဲအရာရှိကို ညွှန်ကြားခဲ့ပါတယ်။
ဒီနေ့ စစ်ဆေးခံရသူ ၅ ဦးကတော့ နိုင်ငံတော် လျှို့ဝှက် ချက် ဥပဒေ နဲ့ တရားစွဲခံထားတဲ့ စီးပွားရေးအကြံပေး မစ္စတာ ရှောင်တာနယ်လ် ၊ ဒေါ်အောင်ဆန်းစုကြည် ၊ #NLD စီမံဘဏ္ဍာဝန်ကြီးတွေဖြစ်တဲ့ ဦးစိုးဝင်း ၊ ဦးကျော်ဝင်း ၊ ဦးဆက်အောင်တို့ပဲဖြစ်ပါတယ်။
အမှုကိုစတင်စစ်ဆေးပြီးဖြစ်ပေမယ့် အမှုသည်တွေနဲ့ ရှေ့နေ တွေတွေ့ခွင့်မရသေးဘူးလို့သိရပါတယ်။