စစ်ကိုင်းနဲ့ မကွေးတိုင်းက လူသားချင်းစာနာမှုဆိုင်ရာအခြေအနေဟာ စိုးရိမ်ဖွယ်ဖြစ်နေပြီး စက်တင်ဘာ ပထမသီတင်းပတ်နှစ်ခုအတွင်း အဲဒီတိုင်းဒေသကြီးနှစ်ခုက ဒေသခံ ၇၅၀၀၀ ခန့် အိုးအိမ်စွန့်ခွာထွက်ပြေးခဲ့ရတယ်လို့ ကုလသမဂ္ဂလူသားချင်းစာနာမှုဆိုင်ရာ ညှိနှိုင်းရေးရုံး(OCHA)က ဒီနေ့ထုတ်ပြန်ပါတယ်။
ချင်းပြည်နယ် အထူးသဖြင့် ထန်တလန်မှာ အကြမ်းဖက်စစ်တပ်နဲ့ ဒေသခံပြည်သူ့ကာကွယ်ရေးတပ်ဖွဲ့တွေအကြားတိုက်ပွဲပြင်းထန်နေပြီး ချင်းပြည်နယ်အတွင်းက မြို့နယ်တော်တော်များများနဲ့ နယ်နိမိတ်ချင်းဆက်စပ်နေတဲ့ နေရာတွေမှာ လူဦးရေ ၁၂၀၀၀ ခန့် နေရပ်စွန့်ခွာထွက်ပြေးနေရတယ်လို့ ဆိုပါတယ်။
ကယားပြည်နယ်နဲ့ ရှမ်းပြည်နယ်တောင်ပိုင်းက အနီးဝန်းကျင်မြို့နယ်တွေမှာလည်း စိုးရိမ်ဖွယ်လုံခြုံရေးအခြေအနေဖြစ်ပေါ်နေဆဲဖြစ်ပြီး အကြမ်းဖက်စစ်တပ်အာဏာသိမ်းတဲ့ဖေဖော်ဝါရီ နောက်ပိုင်းတိုက်ပွဲနဲ့ လုံခြုံရေးအခြေအနေတွေကြောင့် လူဦးရေ ၁၄၂၀၀၀ ခန့် ထွက်ပြေးတိမ်း ရှောင်နေရပါတယ်။
ပြင်းထန်လာတဲ့ တိုက်ပွဲတွေ၊ အလုံးစုံလုံခြုံရေးအခြေ အနေနဲ့ COVID-19 နဲ့ဆက်စပ်နေတဲ့ ကန့်သတ်ချက်တွေကြောင့် ထိခိုက်လွယ်မိသားစုတွေထံကို လူသားချင်းစာနာမှုအကူအညီနဲ့ အကာအကွယ်ပေးရေးအစီအစဉ်တွေ ရောက်ရှိဖို့ ခက်ခဲနေတယ်လို့ OCHAက ထုတ်ပြန်ပါ တယ်။
Public Service Announcement
