မွန်ပြည်နယ် ကျိုက်ထိုမြို့ ဖက္ကလိပ် ရပ်ကွက်ရှိ ဖက္ကလိပ်အုပ်ချုပ်ရေးမှူးရုံးရှေ့တွင် အာဏာသိမ်းစစ်ကောင်စီ၏ ရဲတပ်ကြပ်ကျော်စိုးမိုး ကို သုတ်သင်ရှင်းလင်းခဲ့ကြောင်း Kyaikhto Revolution Force (KRF)က ယနေ့ထုတ်ပြန်သည်။
ပစ်သတ်ခံရသော ရဲတပ်ကြပ်ကျော်စိုးမိုးသည်တော်လှန်ရေး အင်အားစုများနှင့် တော်လှန်ရေးရဲဘော်များအား များစွာအနှောင့်အယှက်ပေးသူအဖြစ် သတ် မှတ်ခံထားရသူ ဖြစ်သဖြင့် KRFမှ စစ်ရေးပစ်မှတ်အဖြစ်သတ်မှတ်ပြီး သုတ်သင်ရှင်းလင်းခဲ့ခြင်းဖြစ်သည်ဟု ဆိုသည်။
ယခုဖြစ်စဥ်မတိုင်မီက ကျိုက်ထိုမြို့နယ် လက် ပံပင်ရွာမှ ရာအိမ်မှူးချစ်သန်းကို KRFက သုတ်သင်ခဲ့ပြီး အာဏာ သိမ်းစစ်တပ်ပိုင် စက်ရုံအချို့ကိုလည်း ဖောက်ခွဲမှုများပြုလုပ်ခဲ့သည်။
စစ်အာဏာရှင်စနစ်ကျဆုံးသည်အထိ ဆက်လက်တိုက်ပွဲဝင်သွားမည်ဖြစ်ပြီး ပြည်သူလူထု၏ အသက်အိုးအိမ် စည်းစိမ်ကို အသက်ပေးကာကွယ်စောင့်ရှောက်သွားမည် ဖြစ်ကာ အကြမ်းဖက်စစ်ကောင်စီလက်ပါးစေများ၊ သတင်းပေးဒလန်များနှင့် စစ်ကောင်စီဒေါက်တိုင်များကို ချေမှုန်းသွားမည်ဟုလည်း ဖော်ပြထားသည်။
Public Service Announcement
