ရှမ်းပြည်နယ်တောင်ပိုင်း မိုင်းကိုင်မြို့နယ်တွင် RCSSနှင့် SSPP တိုက်ပွဲအတွင်း ဒဏ်ရာရသူ အရပ်သားလေးဦးအနက်တစ်ဦး သေဆုံးသွားသည်။
မိုင်းကိုင်မြို့နယ် ကုန်းပေါင်းကျေးရွာတွင် ယမန်နေ့ ( အောက်တိုဘာ ၄ရက်)ညနေက အရပ်သားမိသားစုရှိနေသည့်အိမ်တစ်အိမ်ပေါ်သို့ လက်နက်ကြီးကျရောက် ပေါက်ကွဲသဖြင့် လေးဦး ဒဏ်ရာရရှိခဲ့ပြီးယင်းတို့ထဲမှ အမျိုးသားတစ်ဦးသည် ယနေ့ သေဆုံးသွားခဲ့သည်ဟု ဒေသခံများက ပြောသည်။
“သူတို့(RCSSနှင့် SSPP)ဖြစ်နေတဲ့ တိုက်ပွဲမှာ ဒေသခံအိမ်တွေပေါ် လက်နက်ကြီး ကျတာ။ တိုက်ပွဲက ဆိုးတယ်။ ကျန်တဲ့သုံးယောက်လည်း မိုင်းကိုင်ဆေးရုံမှာ ကူနေရတုန်းပဲ”ဟု ဒေသခံတစ်ဦးက ပြောသည်။
ရှမ်းတိုင်းရင်းသားလက်နက်ကိုင်နှစ်ဖွဲ့ဖြစ်သောRCSSနှင့် SSPPသည် အာဏာသိမ်းအကြမ်းဖက်စစ်ကောင်စီကိုဆန့်ကျင်တွန်းလှန်သောနွေဦးတော်လှန်ရေးတွင် နှုတ်ဆိတ်နေသည့်အပြင် အချင်းချင်းဖြစ်နေသည့် တိုက်ပွဲအတွင်း ဒေသခံပြည်သူသုံးထောင်ခန့် နေရပ်စွန့်ခွာ ထွက်ပြေးနေရခြင်းဖြစ်သည်။
Public Service Announcement
