Connect with us

Hi, what are you looking for?

LuduNwayOo

News

အကြမ်းဖက်စစ်ကောင်စီက မတရားဖမ်းပြီးပြစ်ဒဏ်ချထားသူ ၁,၃၀၀ကျော်နှင့် တရားစွဲဆိုထားသူ ၄,၃၀၀ ကျော်ကို ပြန်လွှတ်ပေးမည်

မတရားဖမ်းဆီးပြစ်ဒဏ်ချမှတ်ခံရသူ ၁,၃၁၆ ဦးကို ပြန်လွှတ်ပေးရာတွင် နောက်တစ်ကြိမ် ပြစ်မှုထပ်မံ ကျူးလွန်ပါက ၎င်းပြစ်ဒဏ်အပြင် ယခုကျခံရန်ရှိကျန်ရှိသော ပြစ်ဒဏ်များကိုပါ ဆက်လက်ကျခံရမည်ဟူသော စည်းကမ်းသတ်မှတ်ချက်ဖြင့် လွှတ်ပေးခြင်းဖြစ်သည်။

People's Spring
People's Spring

အြကမ်းဖက်စစ်ကောင်စီသည် ၎င်းတို့ မတရားဖမ်းဆီးပြီး ပုဒ်မအမျိုးမျိုးတပ်ကာ ပြစ်ဒဏ်ချမှတ်ထားသည့် ပြည်သူများအနက် ၁,၃၀၀ ကျော်ကိုပြန်လွှတ်ပေးခဲ့ပြီး တရားစွဲဆိုထားသည့် ပြည်သူ ၄,၃၀၀ ကျော်ကို အမှုပိတ်သိမ်းပေးခဲ့ကြောင်း ထုတ်ပြန်သည်။

မတရားဖမ်းဆီးပြစ်ဒဏ်ချမှတ်ခံရသူ ၁,၃၁၆ ဦးကို ပြန်လွှတ်ပေးရာတွင် နောက်တစ်ကြိမ် ပြစ်မှုထပ်မံ ကျူးလွန်ပါက ၎င်းပြစ်ဒဏ်အပြင် ယခုကျခံရန်ရှိကျန်ရှိသော ပြစ်ဒဏ်များကိုပါ ဆက်လက်ကျခံရမည်ဟူသော စည်းကမ်းသတ်မှတ်ချက်ဖြင့် လွှတ်ပေးခြင်းဖြစ်သည်။

ထို့ပြင် တရာစွဲဆိုခြင်း ခံရသူ ၄,၃၂၀ဦးကို ကြားနာစစ်ဆေးဆဲ ပြစ်မှုဆိုင်ရာ အမှုများကို ပိတ်သိမ်းခဲ့ကြောင်း ကြေညာသည်။

စစ်ကောင်စီတပ်သည် အာဏာသိမ်းမှုကို ဆန့်ကျင်ပြီး စစ်အာဏာရှင်ဖြုတ်ချရေး လှုပ်ရှားမှုတွင် ပါဝင်သူများစွာကို အကြမ်းဖက်ပစ်ခတ်သတ်ဖြတ်ခြင်း၊ ဖမ်းဆီးခြင်းများကို အာဏာသိမ်းပြီး ၈လကျော်အတွင်းဆက်တိုက်ပြုလုပ်ခဲ့သည်။

Public Service Announcement

Public Service Announcement

ထိုသို့ အကြမ်းဖက်မှုများ ဆက်တိုက်လုပ်ဆောင်ခဲ့သည့် စစ်ကောင်စီက ၎င်းတို့ မတရားဖမ်းဆီးအရေးယူထားသူများကို ပြန်လွှတ်ပေးရာနတွင် လူသားချင်းစာနာထောက်ထားမှုကို အလေးထား၍ လွှတ်ပေးခြင်းဖြစ် သည်ဟု ဖော်ပြခဲ့သည်။

နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့(AAPP)က ပြုစုထားသည့် စာရင်းများအရ အာဏာသိမ်းပြီးနောက်ပိုင်း စစ်ကောင်စီတပ်သည် ပြည်သူ ၁,၁၇၀ ကျော်ကို သတ်ဖြတ်ခဲ့ပြီး ပြည်သူ ၉,၀၀၀ ကျော်ကို ဖမ်းဆီးကာ ၇,၃၀၀ ကျော်ကိုချုပ်နှောင်ထားဆဲဖြစ်သည်ဟု ဆိုသည်။

အဆိုပါ အရေအတွက်များသည် စာရင်းပြုစုထားနိုင်သည့်အရေအတွက်များသာဖြစ်ပြီး လူမသိသူမသိ ဖမ်းဆီး သတ်ဖြတ်ခံရသူများ ဖမ်းဆီးခံထားရသူများလည်း ရှိနိုင်သည်ဟုဆိုသည်။

ဆက်စပ်သတင်းများ

သတင်း

စစ်ကောင်စီက စစ်မှု ထမ်းဥပဒေအရဟုဆိုကာ တပ်သားသစ်စု ဆောင်းခဲ့ရာ ပထမအသုတ်အနေဖြင့် နိုင်ငံတစ်ဝှမ်းလူငယ် ၁၀,၀၀၀ ကျော်ခေါ်ယူပြီးဖြစ်ကာ အချို့မှာ သင်တန်းဆင်းပြီးနောက် ရှေ့ တန်းသို့ပို့ခံရ၍ စစ်မြေပြင်၌ သေဆုံးမှုများလည်း ရှိနေသည်။

သတင်း

ဒေါက်တာ ခလမ်ဆန်ဆွန်ကို တရားရုံးက အပြီးသတ် တရားစီရင်ချိန် ပုဒ်မ ၃ခုဖြင့် ထောင်ဒဏ် ၆နှစ်ချခံရ၍ ပြည်နယ်တရားရုံး၌ အယူခံဝင်ခဲ့ရာ ၂၀၂၃ အောက်တိုဘာလ အတွင်းက ပယ်ချခံရ၍ ပြည်ထောင်စုတရားရုံးချုပ်အထိ အယူခံဆက်တင်ရန် ရှိကြောင်း သိရသည်။

သတင်း

တိုင်ကြားသူများထဲတွင် ၂၀၂၁ခုနှစ်စက်တင်ဘာ ၂၉ ရက်က စစ်ကောင်စီတပ်က ပစ်သတ်ခံခဲ့သည့် ပူးရဲလ်တူးသမီးလည်းပါဝင်သည်။ ပူးရဲလ်တူးသည် ပူးဟရမ်ကျင်းနှင့်အတူ ထန်တလန်မြို့က ထွက်ပြေးပြီး ဆေးဝါးများပြန်ယူစဉ် စစ်ကောင်စီတပ်က နှစ်ဦးလုံးကို သတ်ဖြတ်ခဲ့သည်။

သတင်း

စစ်ကိုင်းတိုင်း၊ ဝန်းသိုမြို့နယ်၊ ဂျိုးတောင်ရွာမရွာရှိ စာသင်ကျောင်းဆောင်အား အကြမ်းဖက်စစ်တပ်က လက်နက်ကြီးဖြင့် ပစ်ခတ်ခဲ့မှု ဖြစ်စဉ်နှင့်ပတ်သက်သည့် ကြေညာချက်တွင် ယခုကဲ့သို့ တောင်းဆိုခဲ့ခြင်းဖြစ်သည်။