'/%3E%3C/svg%3E){kind=small}
မန္တလေးမြို့ ၊ချမ်းမြသာစည်မြို့နယ် မြရည်နန္ဒာအိမ်ရာအနီးမှာ စစ်ကောင်စီတပ်ဖွဲ့ဝင်တွေ တပ်စွဲထားတဲ့ ဘောလုံးကွင်းက လုံခြုံရေးကင်းမှာ ပေါက်ကွဲမှုဖြစ်ကာ စစ်ကောင်စီတပ်ဖွဲ့ဝင် တပ်ကြပ် ၁ ဦးသေဆုံးပြီး ၂ဦးဒဏ်ရာပြင်းပြင်းထန်ထန်ရသွားတယ်လို့သိရပါတယ်။
ပေါက်ကွဲမှုကတော့ အောက်တိုဘာလ ၂၃ ရက် မနက်ပိုင်း ၁၁ နာရီလောက်ကဖြစ်ခဲ့တာပါ။
ပေါက်ကွဲမှုကြောင့် လုံခြုံရေးယူနေတဲ့ စစ်ကောင်စီတပ်ဖွဲ့ဝင် တပ်ကြပ် ၁ ဦးသေဆုံးကာ ၊ တပ်သား ၁ ဦးနဲ့ တပ်ကြပ် ၁ ဦး ဒဏ်ရာရသွားပြီး နန်းတွင်းဆေးရုံမှာကုသမှုပေးနေရတယ်လို့သိရပါတယ်။
သေဆုံးသွားသူဟာ အသက် ၅၃နှစ်အရွယ်ဖြစ်ပြီး ခါးအောက်ပိုင်းပြတ်ကာသေဆုံးခဲ့တယ်လို့ သိရပါတယ်။
Public Service Announcement
ပေါက်ကွဲမှုဖြစ်ပြီးတဲ့နောက် စစ်ကောင်စီတပ်တွေဟာ ၄၉လမ်းမပေါ်မှာ စစ်ဆေးတာတွေ၊ လမ်းပိတ်ဆို့တာတွေပြုလုပ်ခဲ့ပြီး ညနေ ၅နာရီလောက်မှ လမ်းကိုပြန်လည်ဖွင့်ပေးခဲ့ ပါတယ်။
မြရည်နန္ဒာအိမ်ရာဝင်းအတွင်းမှာ ပြီးခဲ့တဲ့လပိုင်းတုန်းက မိုင်တဲလ်တာဝါတိုင် သုံးခုဖောက်ခွဲခံရမှုဖြစ်ပွားခဲ့ပါတယ်။
