အာဏာသိမ်းစစ်ကောင်စီက ပဲခူးမြို့နှင့်တောင်ငူမြို့များတွင် တစ်မြို့လုံးလွှမ်းခြုံနိုင်မည့် CCTV ကင်မရာများ စနစ်တပ်ဆင်ရန် စီစဉ်နေသည်။
CCTVကင်မရာများတပ်ဆင်နိုင်ရန်အတွက် ပစ္စည်းများဝယ်ယူလို၍ နိုင်ငံသား လုပ်ငန်းရှင်များထံမှ ပစ္စည်းကိုတင်ဒါစနစ်ဖြင့်ဝယ်ယူရန် ပဲခူးတိုင်းစစ်ကောင်စီ၏ တင်ဒါစီစစ်လက်ခံရေးကော်မတီ တင်ဒါတင်သွင်းနိုင်ကြောင်းကြေညာထားသည်။
ရောင်းချလိုသည့် ပြည်တွင်းလုပ်ငန်းရှင်များသည် နိုဝင်ဘာ ၂၄ ရက်နောက်ဆုံးထား၍ တင်ဒါတင်သွင်းရမည်ဟု စစ်ကောင်စီထုတ်သတင်းစာတွင်ကြောငြာထားသည်။
အဆိုပါစီမံကိန်းကို အကြမ်းဖက်စစ်ကောင်စီဘက်က Safe City CCTV Security ဟု နာမည်ပေးထားသည်။ထိုစနစ်သည့် တမြို့လုံးကို CCTVဖြင့် ထိန်းချုပ်ရေးစင်တာမှ စောင့်ကြည့်ရန်အတွက်ဖြစ်သည်ဟု နည်းပညာကုမ္ပဏီတစ်ခု၏ မန်းနေဂျင်း ဒါရိုက်တာတစ်ဦးကပြောသည်။
Public Service Announcement
“ဒီစနစ်မှာ ဘာတွေပါမလဲ အသေးစိပ်တော့ မသိသေးဘူး၊ လူတွေရဲ့မျက်နှာကို ဖတ်ပြီး ခြေရာခံနိုင်တဲ့ စနစ်တွေ၊ တမြို့လုံးကို လွှမ်းခြုံနိုင်တဲ့ စောင့်ကြည့်ရေးစနစ်တွေဖြစ်လာနိုင်တယ်”ဟု ၎င်းက သုံးသပ်သည်။
ထိုစနစ်သည့် ရန်ကုန်မြို့တွင် တပ်ဆင်သည့် စနစ်များအတိုင်းအသုံးပြုမည်ဆိုပါက တော်လှန်းရေးလူငယ်များအတွက်လုံခြုံရေးအထူးသတိ့ထားရန်လိုကြောင်း ၎င်းကဆက်ပြောသည်။ ထိုစနစ်ကိုတင်ဒါယူ၍ လုပ်ကိုင်လို့သည့် ကုမ္ပဏီအချို့လည်းရှိနိုင်သည်ဟု ၎င်းက ဆိုသည်။
