စစ်ကိုင်းမြို့မှ လက်နက်များသယ်ဆောင်လာသည်ဟုယူဆရသော စစ်ကောင်စီ၏ ၁၀ဘီးကားတစ်စီးနှင့် အိမ်စီးကားငါးစီးကို ယနေ့နံနက်စောပိုင်းတွင် ဒေသခံPDF အဖွဲ့များက မိုင်းဆွဲတိုက်ခိုက်ခဲ့သည်။
ယမန်နေ့ည ၁၂နာရီ ၄၅မိနစ်ဝန်းကျင်ခန့်က မြင်းမူမြို့ အနောက်ဘက်တွင် မိုင်းဆွဲခဲ့ပြီးနောက် စစ်ကောင်စီကားအချို့ စစ်ကိုင်းဘက်သို့ပြန်၍ ဆုတ်ခွာခဲ့သည်ဟု မြင်းမူမြို့နယ်သတင်းမှန်ပြန်ကြားရေးက ဆိုသည်။
အဆိုပါ မိုင်းဆွဲတိုက်ခိုက်မှုကို မည်သည့်က လုပ်ဆောင် သည်ကို ထုတ်ပြန်ထားခြင်း မရှိပေ။
အလားတူ ယမန်နေ့ည ၁၂နာရီခွဲခန့်က စစ်ကိုင်းမြို့မှမုံရွာမြီု့ဦးတည်ထွက်ခွာလာသည့် စစ်ကောင်စီယာဉ်တန်းကို မိုင်းဆွဲတိုက်ခိုက်ခဲ့ကြောင်း SUGF (Sagaing UG Force) အဖွဲ့ကြေညာသည်။
Public Service Announcement
အဆိုပါ မိုင်းဆွဲတိုက်ခိုက်မှုကို စစ်ကိုင်းမြို့နယ် စစ်ကိုင်း – မုံရွာလမ်းမကြီးရှိ နှုံးတွင်းကျေးရွာနှင့် ညောင်ပင်ဝန်းကျေးရွာကြား စစ်ကိုင်းဘက်မှလာသော စစ်ကောင်စီကား ၅စီးပါယာဉ်တန်းကို မိုင်းဆွဲတိုက်ခိုက်ခဲ့ခြင်းဖြစ်သည်ဟု SUGF က အသိပေးသည်။
သို့သော် စစ်ကောင်စီယာဥ်တန်းများ နေရာနှစ်ခုတွင် မိုင်းခွဲခံရမှုနှင့်ပတ်သက်၍ ထိခိုက်သေဆုံးမှုအခြေအနေကို မသိရသေးပေ။
