မြို့သစ်မြို့နယ်ရှိ အုပ်ချုပ်ရေးမှူးတစ်ဦးကို ရှင်းလင်းပြီး ကျန်အုပ်ချုပ်ရေးမှူးများ နှစ်ပတ်အတွင်း နှုတ်ထွက်ရန် ဗိဿနိုး PDF သတိပေး

မကွေးတိုင်း မြို့သစ်မြို့နယ် တပ်ကုန်ကျေးရွာရှိ စစ်ကောင်စီလက်အောက်ခံ အုပ်ချုပ်ရေးမှူး ဒလန် ဉာဏ်မြင့်အား ယနေ့(နိုဝင်ဘာ ၁ရက်) နံနက်တွင် သုတ်သင်ရှင်းလင်းခဲ့ကြောင်း ဗိဿနိုးနယ်မြေ ပြည်သူ့ကာကွယ် ရေးတပ်မတော်(PDF)က ထုတ်ပြန်သည်။

မြို့သစ်မြို့နယ်ရှိ စစ်ကောင်စီက ခန့်အပ်ထားသည့် အုပ်ချုပ်ရေးမှူးများအနေဖြင့် ယနေ့မှစပြီး ၁၄ရက်အတွင်း မိမိအသိစိတ်ဖြင့် နှုတ်ထွက်ကြရန်လည်း ဗိဿနိုးနယ်မြေ PDFက သတိပေးထားသည်။

သို့သော် နှုတ်ထွက်ခြင်းမရှိသော အုပ်ချုပ်ရေးမှူးများ၏အသက်အိုးအိမ်စည်းစိမ်များအား လုံးဝ တာဝန်ယူမည် မဟုတ်ဟု လည်း ဗိဿနိုးနယ်မြေ PDF၏ ထုတ်ပြန်ချက်၌ ဖော်ပြထားသည်။

ဗိဿနိုးနယ်မြေ PDFသည် တောင်တွင်းကြီး၊ မကွေး၊ မြို့သစ် မြို့နယ်များသာကမ ကျောက်ပန်းတောင်း အပါအဝင် မန္တလေးတိုင်းအတွင်းရှိ မြို့ နယ်များရှိ တော်လှန်ရေးအင်အားစုများနှင့် ပူးပေါင်းပြီး စစ်ကောင်စီ ပစ်မှတ်များအား တိုက်ခိုက်လျက်ရှိသည်။

Public Service Announcement