'/%3E%3C/svg%3E){kind=small}
ဖယ်ခုံမြို့နယ် ခေါင်းအိကျေးရွာအနီး အင်အားအလုံး အရင်းဖြင့် ထိုးစစ်ဆင်လာသော အကြမ်းဖက်စစ်ကောင်စီတပ်များကို ကရင်နီ တပ်မတော်(KA)၊ KNDF ၊ PDF (ဖယ်ခုံ)နှင့် PDF (မိုးဗြဲ) တို့မှ ခုခံတိုက်ခိုက်ရာ စစ်ကောင်စီတပ်သား ငါးဦးသေဆုံးကြောင်း KNDF က ထုတ်ပြန်သည်။
ယနေ့ (နိုဝင်ဘာ ၂ ရက်)က အကြမ်းဖက်စစ်ကောင်စီတပ်များသည် လွယ်ဝှဲကျေးရွာဘက်မှ လူအင်အား ၂ဝဝဖြင့် စစ်ကြောင်းချီလာလာရာမှ ညနေပိုင်းမှစ၍ ထိတွေ့ တိုက်ပွဲများစတင်ဖြစ်ပွားခဲ့သည်။
ထိုတိုက်ပွဲအတွင်းအကြမ်းဖက်စစ်ကောင်စစ်ဘက်မှ ငါးဦးသေဆုံးခဲ့ပြီး KNDF ရဲဘော်နှစ်ဦးနှင့် PDF မှ ရဲဘော်နှစ်ဦးထိခိုက်ဒဏ်ရာရခဲ့သည်။
“ဒဏ်ရာရ တပ်ဖွဲ့ဝင်တွေကို လုံခြုံတဲ့နေရာဆီပို့ထားပြီးပါပြီ။ဒဏ်ရာက အပြင်းအထန် မဟုတ်ပါဘူး”ဟု KNDF တာဝန်ရှိသူ တစ်ဦးက ပြောသည်။
Public Service Announcement
အကြမ်းဖက်စစ်ကောင်စီတပ်များသည် ဖယ်ခုံနှင့် ပင်လောင်းမြို့နယ်ထိစပ်သော လွယ်ဝှဲနှင့် ပင်ပုံကျေးရွာတို့မှ စစ်ကြောင်း နှစ်ကြောင်းဖြင့် စစ်ကြောင်းထိုးခြင်းဖြစ်သည်။
ထို့အပြင်အကြမ်းဖက်စစ်ကောင်စီတပ်များ စစ်ကြောင်း ထိုးလာသဖြင့် လွယ်ဟွဲကျေးရွာမှ ကျေးရွာနေပြည်သူများ ထွက်ပြေးတိမ်းရှောင်နေရသည်။ အကြမ်းဖက်စစ်ကောင်စီတပ်များသည် လွယ်ဝှဲကျေးရွာတွင် တပ်စွဲလျက်ပင်ရှိကြောင်း KNDF က ဆိုသည်။
(KNDF ရဲဘော်များကို ရှေ့တန်းတစ်နေရာ၌ တွေ့ရစဥ်)
