အမျိုးသားညီညွတ်ရေးအစိုးရ NUG ပြည်ထောင်စုဝန်ကြီးနှစ်ဦးပါဝင်တဲ့ ကိုယ်စားလှယ်အဖွဲ့ဟာ ဆွီဒင်နိုင်ငံကိုရောက်ရှိနေပြီး ဆွီဒင်နိုင်ငံခြားရေးဒုတိယဝန်ကြီး၊ လူ့အခွင့်အရေးသံအမတ်တို့နဲ့ တွေ့ဆုံကာ မြန်မာ့အရေးဆွေးနွေးခဲ့တယ်လို့ ဝန်ကြီးဦးအောင်မျိုးမင်းက ပြောပါတယ်။
ဆွီဒင်နိုင်ငံ၊ စတော့ဟုမ်းမြို့ကိုရောက်ရှိနေတဲ့ NUG ကိုယ်စားလှယ်အဖွဲ့မှာ လူ့အခွင့်အရေးဝန်ကြီး ဦးအောင်မျိုးမင်း၊ ဖက်ဒရယ်ပြည်ထောင်စုရေးရာဝန်ကြီးဒေါက်တာလျန်မှုန်းဆာခေါင်းတို့ ဦးဆောင်ပါဝင်ပါတယ်။
ဆွီဒင်နိုင်ငံခြားရေး ဒုတိယဝန်ကြီး၊ လူ့အခွင့်အရေးသံအမတ်နဲ့ အခြားသောဆွီဒင်အစိုးရ တာဝန်ရှိသူတွေနဲ့တွေ့ဆုံပြီး ဆွေးနွေးခဲ့တဲ့အကြောင်းအရာအသေးစိတ်ကိုတော့ NUG က သတင်း ထုတ်ပြန်သေးခြင်းမရှိသေးပါဘူး။