'/%3E%3C/svg%3E){kind=small}
မုံရွာမြို့နယ်အတွင်းရှိ ကုန်တင်မော်တော်ရေယာဥ်များ၊ ခရီးသွားမော်တော်ရေယာဥ်များအနေဖြင့်ယနေ့မှစပြီးချင်းတွင်းမြစ်အတွင်း မုံရွာမှ ဟုမ္မလင်းအထိ အစုန်အဆန်
မပြုလုပ်ကြရန် မြစ်ရိုးတစ်လျှောက် ပြည်သူ့ကာကွယ်ရေးတပ်ဖွဲ့များက မေတ္တာရပ်ခံသည်။
ချင်းတွင်းမြစ်ငမ်းတွင်မုံရွာမြို့နယ်အတွင်းရှိ ကုန်တင်မော်တော်ရေယာဥ်များ၊ ခရီးသွားမော်တော်ရေယာဥ်များအနေဖြင့်မုံရွာမှ ဟုမ္မလင်းအထိ အစုန်အဆန် မပြုလုပ်ကြရန်ချင်းတွင်းမြစ်ရိုးတစ်လျှောက်ရှိ ညီနောင်မဟာမိတ် ပြည်သူ့ဘက်တော်သား တပ်ဖွဲ့များမှ ထုတ်ပြန်ကြေညာပြီးဖြစ်ကြောင်း၊ ယနေ့ နိုဝင်ဘာလ ၁၃ ရက်နေ့ နေ့လယ် ၁၂ နာရီမှစတင်၍ အစုန်အဆန်မပြုလုပ်ကြရန် မေတ္တာရပ်ခံ အသိပေးခဲ့သည်။ ပြန်လည်ဖြတ်သန်းခွင့်ပြုမည့်အချိန်နှင့် နေ့ရက်ကို ပြန်လည်ထုတ်ပြန်ပေးသွားမည်ဟုမုံရွာမြို့နယ် ပြည်သူ့ကာကွယ်ရေးတပ်ဖွဲ့ MPDFက ကြေညာသည်။
အကြမ်းဖက်စစ်ကောင်စီသည် ချင်းတွင်းမြစ်အထက်ပိုင်းဒေသများသို့သွားလာရန်နှင့်စစ်လက်နက်ပစ္စည်းများတင်ပို့ရန် ချင်းတွင်းမြစ်ကိုအသုံးပြုနေပြီး မြစ်အတွင်း အစုန်အဆန်ခရီးစဉ်များအတွက် ရေယာဉ်အချို့ကို ချောဆွဲရန်စီစဉ်နေကြောင်းဒေသခံအချို့ကပြောသည်။
