ခင်အေး-ပုလဲလမ်းမပေါ်တွင် PRAနှင့် ပုလဲ PDFတို့ ပူးပေါင်းတိုက်ခိုက်မှုကြောင့် စစ်ကောင်စီတပ်သား ၂၀ ထက် မနည်းသေဆုံးကြောင်းပြည်သူ့တော်လှန်ရေးတပ်မတော်-PRA ဦးဆောင်သူ ဗိုလ်ဂျပန်က ပြောသည်။
ယနေ့(နိုဝင်ဘာ ၁၃ ရက်) မွန်းလွှဲ ၂ နာရီခွဲကစ၍ စစ်ကိုင်းဘက်က ဆင်းလာသည့် အရေအတွက် ၈၀ ကျော်ပါ စစ်ကောင်စီတပ်ကို သတင်းအရ စောင့်ဆိုင်းတိုက်ခိုက်နိုင်ခဲ့ခြင်းဖြစ်ကြောင်း ၎င်းက ဆိုသည်။
“စောင့်တိုက်တာ က သတင်းကြိုရတာပါတယ်။အရင်လို မိုင်းဆွဲတာမဟုတ်ဘဲ မောင်းပြန်တွေနဲ့ပဲ ဆော်တယ်။မိုင်းထားဖို့ အချိန်မရှိတော့လို့။ အဲဒါကြောင့် လည်းဒီထက်ပိုမသေတာ”ဟု ဗိုလ်ဂျပန်က ပြောသည်။
စစ်ကိုင်း-မကွေးအစပ် နတ်ထိပ်(ပုံတောင်)ဘက်မှဆင်းလာသော အင်အား ၈၀ခန့်ရှိ စစ်ကောင်စီတပ်အား ကျောက်ဖြူတောင်ကွေ့တွင် ပြည်သူ့တော်လှန်ရေးတပ်မတော်(PRA) တပ်ရင်း(၂) နှင့် Pale PDF-Headquartersအဖွဲ့ တို့က ပူးပေါင်းတိုက်ခိုက်ခဲ့ခြင်းဖြစ်သည်။တိုက်ပွဲမှာ တစ်နာရီနီးပါးကြာမြင့်ခဲ့ပြီး တော်လှန်ရေးရဲဘော်များ အထိခိုက်မရှိပြန်လည်ဆုတ်ခွာနိုင်ခဲ့ကြောင်း သိရသည်။
Public Service Announcement
အကြမ်းဖက်စစ်ကောင်စီသည် တော်လှန်ရေးအားကောင်းသည့် ပုလဲ မြို့နယ်အတွင်းသို့ စစ် ကြောင်းထိုးနေပြီး ပုလဲဒေသအတွင်းအင်အား ၅၀၀နှင့်အထက် ရောက်ရှိနေပြီဟု PRAကဆိုသည်။
(တိုက်ပွဲ အပြီးတွင်မှတ်တမ်းဓါတ်ပုံရိုက်ကူးခဲ့သောPRA တပ်ဖွဲ့ဝင်များ )
