ကရင်အမျိုးသားအစည်းအရုံး(KNU) တပ်မဟာ(၁) နယ်မြေ ကျိုက်ထိုမြို့နယ်၌ နှစ်ရက်ဆက်တိုက်ပွဲဖြစ်ပွားခဲ့ရာ စစ်ကောင်စီတပ်မှ ခြာက်ဦးသေဆုံးပြီး လေးဦး ဒဏ်ရာရရှိခဲ့ကြောင်း KNU တပ်မဟာ(၁) တာဝန်ရှိသူ တစ်ဦးက ပြောသည်။
နိုဝင်ဘာ ၁၄ရက် နံနက်က ကျိုက်ထိုမြို့နယ် ပျဉ်းကတိုးကျေးရွာအုပ်စု ရွှေခဲရိုးကျေးရွာအနီးတိုက်ပွဲ ဖြစ်ပွားခဲ့ပြီး စစ်ကောင်စီတပ်မှ သေဆုံးထိခိုက်မှုများ ဖြစ်ပေါ်ခဲ့သည်ဟုဆိုသည်။
“ ဘာကြောင့်ဖြစ်ရလဲဆိုတော့ စကစဘက်က တပ်မ (၂၂)နဲ့ တပ်မ(၄၄) ထုတ်နုတ်အင်အား ပူးပေါင်းပြီးတော့ အဲဒီနယ်မြေမှာ ဝင်ရောက်လှုပ်ရှားတယ်။ ဝင်ရောက်လှုပ်ရှားလာတော့ ချိတ်ဆက်ဆောင်ရွက်ထားခြင်းမရှိတော့ ထိပ်တိုက်ရင်ဆိုင်မှု ဖြစ်ပွားခဲ့တာ”ဟု တပ်မဟာ (၁)တာဝန်ရှိသူက ပြောသည်။
ယနေ့တွင်လည်း စစ်ကောင်စီတပ်က ရှေ့ဆက်ထပ်တိုးလာ၍ နတ်စိန်ရွာအနီး၌ တိုက်ပွဲနှစ်ကြိမ် ဖြစ်ခဲ့ကြောင်း၊ ယနေ့ တိုက်ပွဲ၌ ထိခိုက်ဒဏ်ရာရမှု အခြေအနေကို မသိရသေးကြောင်း ၎င်းက ဆိုသည်။ KNU တပ်မဟာ(၁) ဘက်မှ ထိခိုက်မှုမရှိဟု ပြောသည်။ လက်ရှိတွင်လည်း စစ်ကောင်စီတပ်က နတ်စိန်ရွာ၌ နေရာချထားဆဲဖြစ် သည်ဟု ဆိုသည်။
Public Service Announcement
ထို့ပြင် စစ်ကောင်စီတပ်နှင့် ကရင်နယ်ခြားစောင့်တပ်ဖွဲ့တို့သည် ဘားအံမြို့နယ်အတွင်း၌ အင်အား ၃၀၀ခန့်ဖြင့် စစ်ရေးလှုပ်ရှားနေ၍ တိုက်ပွဲများဖြစ်ပွားလာနိုင်ကြောင်း တပ်မဟာ(၁)တာဝန်ရှိသူက ပြောသည်။
