ကန့်ဘလူရှိ ဒလန်အဖွဲ့ကို ရှင်းလင်းနိုင်ခဲ့ဟု ဗိုလ်တ​ထောင်ဒလန်ရှင်းလင်း​ရေးအဖွဲ့ အသိ​ပေး

ကန့်ဘလူမြို့နယ်အတွင်းရှိ ​ဒေသကာကွယ်​ရေးတပ်ဖွဲ့ (PDF) များကို စုံစမ်းခြင်း၊လိုက်လံထောက်လှမ်းခြင်းနှင့် PDF များ မိုင်းထောင်သည့်နေရာများကို လိုက်လံချောင်း မြောင်းနေသည့် စစ်ကောင်စီသတင်းပေး ဒလန်အဖွဲ့ကို ရှင်းလင်းခဲ့ကြောင်း ဗိုလ်တထောင် ဒလန်ရှင်းလင်းရေးအဖွဲ့-ကန့်ဘလူက ယမန်​နေ့(နိုဝင်ဘာ၁၆ရက်) ထုတ်ပြန်သည်။

အဆိုပါဒလန်အဖွဲ့ တွင် အဖွဲ့ဝင် ခြောက်ဦးပါရှိပြီး ရေရှင်ကြီးရွာနေ သန်းဦး၊ ကျေးတပင်ရွာနေ ဆန်းဘိုက ဦးဆောင်ကြောင်း ဗိုလ်တထောင် ဒလန်ရှင်းလင်းရေးအဖွဲ့-ကန့်ဘလူက ဆိုသည်။

၎င်းတို့အားဖမ်းဆီးရမိစဥ်က ဒုတိယဗိုလ်မှူးကြီး အောင်မျိုးဦး ကိုင်ဆောင်သည့် ဖုန်းနံပါတ်များပါရှိသော စာရွက်အချို့ကို သိမ်းဆည်းရမိကြောင်းလည်း အသိ​ပေးသည်။

ကန့်ဘလူမြို့နယ်အတွင်းရှိ ကျေးရွာများမှ စစ်​ကောင်စီ ၏လက်ကိုင်တုတ်ဒလန်များကို အဆက်မပြတ်ရှင်းလင်းသွားမည်ဟုလည်း ဗိုလ်တထောင်ဒလန်ရှင်းလင်းရေးအဖွဲ့က အသိပေးထားသည်။

Public Service Announcement