စစ်ကိုင်းတိုင်း၊ မုံရွာမြို့တွင် ယမန်နေ့ညက ကင်းသိမ်းပြန်လာသော စစ်ကောင်စီယာဥ်တန်း မိုင်းဆွဲတိုက်ခိုက်ခံခဲ့ရကြောင်း ဒေသခံများက ပြောသည်။
နိုဝင်ဘာလ ၁၇ ရက် ည ၁၁ နာရီဝန်းကျင်က မုံရွာမြို့အတွင်းမှ နမခဘက်သို့ ကင်းသိမ်းပြန်လာသော စစ်ကားသုံးစီးအား အိုးဘိုတောင်တံတားနှင့် ငါးဒိုင်အနီးတွင် မိုင်းဆွဲတိုက်ခိုက်ခံရပြီး ယာဥ်အချို့ပျက်စီးသွားကြောင်း ဒေသခံများက ပြောသည်။
အဆိုပါ အကြမ်းဖက်စစ်ကောင်စီအား အဝေးထိန်းမိုင်းဖြင့် ခုခံတိုက်ခိုက်ခဲ့ခြင်းဖြစ်ပြီး စစ်ကောင်စီကား၁စီးပျက်စီးခဲ့ပြီး Monywa NightKingအဖွဲ့နှင့်သံမဏိအဖွဲ့သားများမှ ပူးပေါင်းဆောင်ရွက်သည်ဟု ၎င်းတို့က အသိပေးသည်။
စစ်ကောင်စီတပ်မှ ပြန်လည်ရမ်းသမ်းပစ်ခတ်ခဲ့ပြီး ၎င်းတို့ထိခိုက်မှုအခြေအနေမသိနိုင်ကြောင်း၊ အဖွဲ့သားများ အထိအခိုက်မရှိ ဆုတ်ခွာနိုင်ခဲ့သည်ဟု Monywa NightKingအဖွဲ့က အသိပေးသည်။
Public Service Announcement
မွန်းလွဲ ၂ နာရီ ခွဲဝန်းကျင်ကလည်း မုံရွာမြို့ ရဲတိုင်းရုံး၏ တောင်ဘက်ရှိ တနယ်ပေါက်တောရပ်ကွက်တွင် စစ်ကောင်စီထောက်တိုင် သတင်းပေးထောက်လှမ်းရေးတာဝန်ယူထားသူ အသက် ၃၀ ဝန်းကျင်ရှိ မြင့်ဆွေဆိုသူအား
ဓါးဖြင့်ငါးချက်ထိုးကာ သုတ်သင်ရှင်းလင်းခဲ့ကြောင်း Special Regional Attacks Forces- MWA နှင့် Monywa Eagles အဖွဲ့မှ ဝင်ရောက်ကူညီလက်တွဲဆောင်ရွက်ခဲ့ကြောင်း အသိပေးသည်။
မုံရွာမြို့တွင် နိုဝင်ဘာ၁၆ရက်နေ့ကလည်း စျေးလာဝယ်သည့် ဒုအရာခံဗိုလ်မှုးတစ်ဦးနှင့် ထောက်လှမ်းရေးတစ်ဦး အသတ်ခံခဲ့ရသည်။
