အမျိုးသားညီညွတ်ရေးအစိုးရ(NUG)ရဲ့ ငွေတိုက်စာချုပ်ဝယ်ယူသူတွေရဲ့ ကိုယ်ရေးအချက်အလက်တွေကို အထူးလုံခြုံတဲ့နည်းပညာနဲ့အာမခံချက်ပေးထားတာကြောင့် ယုံယုံကြည်ကြည်ပူးပေါင်းဆောင်ရွက်ကြဖို့ တိုက်တွန်းထားပါတယ်။
NUG ရဲ့ ငွေတိုက်စာချုပ်တွေကို ဒီနေ့(နိုဝင်ဘာ ၂၂ ရက်)မနက် ၉ နာရီစတင်ရောင်းချပေးမှာဖြစ် ပြီး တော်လှန်ရေးအောင်စိတ်နဲ့ အင်တာနက်စာမျက်နှာ(https://www.unitedbonds-nug.org/)ကတဆင့် လေ့လာကြည့်ရှုဝယ်ယူနိုင်မှာဖြစ်တယ်လို့ စီမံကိန်း၊ဘဏ္ဍာရေးနှင့် ရင်းနှီးမြှုပ်နှံမှူဝန်ကြီးဌာနက ထုတ်ပြန်ပါတယ်။
ငွေတိုက်စာချုပ်ဝယ်ယူရာမှာ ဘဏ်ငွေလွှဲစနစ်ကို အတတ်နိုင်ဆုံး၊ အစွမ်းကုန် ကြိုးစားပြင်ဆင် ပေးထားတာကြောင့် စိတ်ချလုံခြုံစွာ ငွေလွှဲပြောင်းပေးပို့နိုင်ပြီး ဝယ်ယူသူ မူလပိုင်ရှင်အပြင် ဆက်ခံသူတစ်စုံတစ်ဦးကိုလည်း အမည်/တော်စပ်ပုံ ဖြည့်သွင်းဆောင်ရွက်ခြင်းအားဖြင့် စိတ်ချလုံခြုံမှုကို အပြည့်အဝဆောင်ရွက်နိုင်မှာဖြစ်တယ်လို့ ဆိုပါတယ်။
နောက်ပြီး ငွေတိုက်စာချုပ်တွေကို တစ်ဦးချင်း၊ တစ်ယောက်ချင်း စိတ်ကြိုက်ဝယ်ယူနိုင်တဲ့အပြင် အစုအဖွဲ့လိုက် စုပေါင်းစပ်ပေါင်းလည်း ဝယ်ယူနိုင်မှာဖြစ်တယ်လို့ NUG က အသိပေးထားပါတယ်။
Public Service Announcement
NUG ရောင်းချမယ့်ငွေတိုက်စာချုပ်တွေကို အမေရိကန်ဒေါ်လာ ၁၀၀၊ ၅၀၀၊ ၁၀၀၀၊ ၅၀၀၀ တန် အမျိုးအစားလေးမျိုးနဲ့ အတိုးမဲ့ထုတ်ဝေရောင်းချမှာဖြစ်ပြီး သက်တမ်း ၂ နှစ်သတ်မှတ်ထားပါ တယ်။
လက်ရှိမှာ https://www.unitedbonds-nug.org/ ဟာ ဝင်ရောက်ကြည့်ရှုသူများပြားနေတာ ကြောင့် ဝင်ရောက်ကြည့်ရှုလို့ မရသေးဘဲ အခက်အခဲဖြစ်ပေါ်နေပါတယ်။
