ကလေးမြို့တောင်ပိုင်းကို အကြမ်းဖက်စစ်ကောင်စီက စစ်ကြောင်းလေးကြောင်းဖြင့် ထိုးစစ်ဆင်ရန် စစ်အင်အားဖြည့်တင်းနေကြောင်း ဒေသခံများကပြောသည်။
ဒေသခံကာကွယ်ရေးတပ်များကလည်း ကလေးမြို့နယ်အတွင်း မည့်သည့်နေရာတွင်မဆို တိုက်ပွဲများ အချိန်မရွှေးဖြစ်လာနိုင်၍ ပြည်သူများလုံခြုံရေး ဂရုစိုက်ကြရန်၊ ထုတ်ပြန်ချက်များကိုလိုက်နာကြရန် နှင့် စစ်ကောင်စီတပ်များ၏ သတင်းအချက်အလက်များကို ပေးပို့ရန်လည်း မေတ္တာရပ်ခံထားသည်။
ယခုအခါ စသ်ကောင်စီတပ်သည် ကလေးမြို့နယ်အနှံအင်အားများဖြန့်ကျက်ထားပြီး ထိုးစစ်ဆင်ရန်စစ်ကြောင်းများစီစဉ်နေသည်ဟု ဒေသခံကာကွယ်ရေးတပ်များထံမှ သိရသည်။ စစ်ကြောင်းတစ်ခုနှင့် အကြမ်းဖက်စစ်သား ၇၀ခန့်ပါဝင်မည်ဟုခန့်မှန်းထားသည်ဟုလည်း သိရသည်။
“မြစ်သာမြစ်တကြောဘက်မှာ တပ်တွေအပြောင်းအရွှေ့လုပ်နေကြတယ်၊ ရဟတ်ယာဉ်တွေနဲ့ ပတ်နေတယ်”ဟု ဒေသခံ ကာကွယ်ရေးတပ်ဖွဲ့ဝင်တစ်ဦးကပြောသည်။
Public Service Announcement
နိုဝင်ဘာ ၂၁ ရက် မနက် ၁၀နာရီခန့်တွင် ကလေးပြည်သူ့ကာကွယ်ရေးတပ်ဖွဲ့ -PDF(ကလေး)နှင့် အကြမ်းဖက်စစ်ကောင်စီတပ်တို့တိုက်ပွဲဖြစ်ပွားခဲ့ပြီး အကြမ်းဖက်စစ်ကောင်စီတပ်သား ၅ ဦးသေဆုံးပြီး၊ PDFတပ်ဖွဲ့ဝင် ၂
ဦးကျဆုံးခဲ့သည်။
“ကလေးမှာ စစ်တပ်က အထိနာနေလို့ ပိုပြီး ဖိမယ့်သဘောရှိတယ်။ ရှက်ရမ်းရမ်းနေတယ်လို့မြင်တယ်။ ဒီဘက် လူငယ်တွေကလည်း ရဲရင့်ပြီး တော်တော်သတ္တိရှိကြတယ်။ သူတို့က ဒီလောက် သတ္တိရှိနေတာ စစ်တပ်က နိုင်အောင်တိုက်နိုင်မှာမဟုတ်ဘူး”ဟု ကလေးမြို့ခံတစ်ဦးကပြောသည်။
မျက်မြင်တွေ့ရှိသောဒေသခံများ၏ ပြောကြားချက်အရ အနောက်မြောက်တိုင်းစစ်ဌာနချုပ်ဘက်ကို ယနေ့မနက်ပိုင်းကတိုက်လေယာဉ်များ ဆင်းသက်နေသည်ဟု သိရသည်။
ထို့အပြင် ယမန်နေ့က(နိုဝင်ဘာ ၂၁ရက်) ညနေ ၆နာရီခွဲခန့်က ကလေးမြို့ရှိ စစ်ကောင်စီလက်အောက်ခံ အမှတ် ၆၄၄ စစ်လက်နက်ပစ္စည်းတပ်ရင်းကို PDF Zoland နှင့် CDM – Siyin( CDF-KKG တပ်ရင်း ၂) ပူးပေါင်း အဖွဲ့ကတိုက်ခိုက်ခဲ့သေးသည်။ ထိုတိုက်ခိုက်မူကြောင့် ယမ်းသိုလှောင်ရုံ တချို့ပေါက်ကွဲပျက်စီးမှုများရှိခဲ့သည်ဟု PDF Zoland
က ထုတ်ပြန်ထားသည်။
