စစ်ကိုင်းတိုင်း ကလေးမြို့နယ် တွင် အာဏာသိမ်းစစ်ကောင်စီတပ်၏ စစ်ကြောင်းကို ယနေ့ နိုဝင်ဘာ ၂၃ရက် မနက်ပိုင်းတွင် အနီးကပ်တိုက်ခိုက်ခဲ့ရာ စစ်ကောင်စီတပ်ဖွဲ့ဝင် ၅ဦးသေဆုံးခဲ့သည်ဟု ကလေးမြို့နယ် ပြည်သူ့ကာကွယ်ရေးတပ်ဖွဲ့(PDF)က ထုတ်ပြန်သည်။
ကလေးမြို့နယ် တောင်ပိုင်း ကြံသာရွာဘက်မှ ခြေလျင် တက်လာသော အင်အား ၂၅ဦး ပါ အကြမ်းဖက်စစ်ကောင်စီတပ်ဖွဲ့ကို မှန်တောရွာအကျော်တွင်အနီးကပ် ခြုံခိုပစ်ခတ်တိုက်ခိုက် ခဲ့ခြင်းဖြစ်သည်ဟုဆိုသည်။
ပစ်ခတ်တိုက်ခိုက်ချိန် မိနစ် ၂၀ ခန့်ကြာမြင့်ခဲ့ပြီးနောက် PDF တပ်ဖွဲ့ဝင်များ အထိအခိုက်မရှိ ဘေးကင်းစွာ ဆုတ်ခွာနိုင်ခဲ့ကြောင်း ထုတ်ပြန်ခဲ့သည်။
PDF(ကလေး) တပ်ဖွဲ့များ ဘေးကင်းလုံခြုံရာသို့ ရောက်ရှိပြီးနောက် ဟံသာ၀တီ ရွာဘက်မှ စစ်ကောင် စီတပ်ဖွဲ့များက လက်နက်ကြီးများဖြင့် အနီးပတ်ဝန်းကျင်သို့ ရမ်းသမ်းပစ်ခတ်နေသည်ဟု ဆိုသည်။
Public Service Announcement
မကြာသေးမီက PDF(ကလေး) ဆေးတပ်ဖွဲ့ဝင်များ ဖမ်းဆီးခံရပြီးနောက် စစ်ကောင်စီ လက်အောက်ခံတပ်နှင့် PDFတို့ တိုက်ပွဲများ ဆက်လက်ဖြစ်ပွားနေသည်။
(ဓါတ်ပုံ-ကလေး PDF တပ်ဖွဲ့ဝင်များ)
