ထိုင်းနိုင်ငံထဲကို တရားမဝင်ဝင်ရောက်လာတဲ့ ရွှေ့ပြောင်းမြန်မာအလုပ်သမား အယောက် ၂၀၀ နီးပါးကို နယ်စပ်တစ်နေရာမှာ ထိုင်းလုံခြုံရေးအဖွဲ့က ထပ်မံဖမ်းဆီးရမိခဲ့ပါတယ်။
နိုဝင်ဘာ ၂၄ ရက်ည ၁၁ နာရီခွဲအချိန်က ထိုင်း-မြန်မာနယ်စပ်အနီး မြဝတီမြို့နယ် ကျောက်ခက်ရွာကနေတစ်ဆင့် တာ့ခရိုင်၊ ဖုတ်ဖရမြို့နယ်ထဲကို တရားမဝင်ရောက်ရှိလာတဲ့ မြန်မာလုပ်သား ၁၈၄ ဦးကို ထိုင်းလုံခြုံရေးအဖွဲ့က ဖမ်းဆီးရမိခဲ့တာပါ။
ဖမ်းဆီးရမိတဲ့ မြန်မာရွှေ့ပြောင်းလုပ်သား အမျိုးသား ၁၁၁ ဦး၊ အမျိုးသမီး ၇၃ ဦးကို ထိုင်းလုံခြုံရေးအဖွဲ့က ကိုဗစ်ရောဂါရှိမရှိ စစ်ဆေးပေးနေပြီး ဥပဒေအရ အရေးယူဆောင်ရွက်သွားမယ်လို့ ထိုင်းစစ်တပ်က ထုတ်ပြန်ပါတယ်။
